ცოტა ხნის წინ შინჯი კაგავამ პასუხი გასცა გულშემატკივრების კითხვებს, რომელიც მას ინგლისური და იაპონური "ტვიტერის" გვერდების საშუალებით დაუსვეს.
როგორ მუსიკას უსმენ, როდესაც მომავალი მატჩისთვის ემზადები?მე ვუსმენ იაპონურ პოპ მუსიკას, რათა დავისვენო და სიმშვიდე შევინარჩუნო. მუსიკას ხასიათის მიხევით ვარჩევ, ზოგჯერ სწრაფს ვუმენ, ზოგჯერ შედარებით ნელს. ჩემი საყვარელი ჯგუფია "Exile". ისინი ძალიან პოპულარულები არიან იაპონიაში, თუმცა არა მსოფლიოს მასშტაბით. მე მომწონს მათი მუსიკა, ის მეხმარება განწყობის ასამაღლებლად. მუსიკა ჩემთვის ძალიან მნიშვნელოვანია.
უკეთესი ფეხბურთელი გახდი, რაც "იუნაიტედს" შეუერთდი?დიახ, სხვაგვარად ვერც იქნება. გუნდში ძალიან ბევრი გამოცდილი ფეხბურელია. მათგან ბევრს ვსწავლობ და ყოველდღე ვვითარდები. არც ისე ბევრ იაპონელ და აზიელ ფეხბურთელს აქვს ნათამაშები ასეთ დიდ კლუბში, ამიტომ მე ძალიან იღბლიანი ვარ, რომ ასეთ პოზიციაზე ვარ. ეს ძალიან მახარებს და ამაყს მხდის.
ვინ არის შენი საუკეთესო მეგობარი კლუბში?ალექს ბიუტნერი ჩემთან საკმაოდ ახლოს ცხოვრობს და ჩვენ გუნდს ერთად შევუერთდით. მოსვლის დღიდან მე მასთან ძალიან ახლოს ვარ. ალექსი "ვიტესში" რამდენიმე იაპონელ ფეხბურთელთან თამაშობდა და მან საშუალო დონეზე იცის იაპონური. ამან საშუალება მომცა მასთან უფრო ახლოს ვყოფილიყავი.
ფეხბურთელი რომ არ ყოფილიყავი, რა იქნებოდა შენი პროფესია?ალბათ რაიმე სხვა სპორტს ავირჩევდი. მე მითამაშია სხვადასხვა სპორტული თამაში ადრეული ასაკიდან და ძალიან მომწონდა ისინი, ამიტომ ვფიქრობ რომელიმე სხვა სპორტში ვიქნებოდი. თუმცა დარწმუნებული არ ვარ ზუსტად რომელში.
ვინ იყო შენი საყვარელი ფეხბურთელი როდესაც იზრდებოდი და რატომ?როცა ბავშვი ვიყავი მე "J-ლიგის" დიდი გულშემატკივარი ვიყავი, თუმცა გამორჩეულად არცერთ ფეხბურთელს არ ვანიჭებდი უპირატესობას. მაშინ არ მქონდა საშუალება მეყურებინა ევროპული ფეხბურთისთვის ტელევიზორში, ამიტომ იაპონიის გარდა სხვა საფეხბურთო მოვლენებს ვერ ვადევნებდი თვალს. როცა ევროპაში ჩამოვედი ხშირად ვუყურებდი სხვა თამაშებსაც. "დორტმუნდში" ყოფნის დროს, ყველაზე მეტად მომწონდა ანდრეს ინიესტა.
წყარო:
Manutd.com