"მანჩესტერ იუნაიტედი" ზამთრის სატრანსფერო ფანჯრის დროს "რეალის" ფეხბურთელის, ჩაბი ალონსოს ყიდვას ეცდება. როგორც გამოცემა The Daily Star იუწყება, ინგლისური კლუბის აგენტები სისტემატიურად ესაუბრებიან 32 წლის ესპანელ ნახევარმცველს და შესაძლოა, ის "წითელ ეშმაკებს" მომავალი წლის ზაფხულში შეუერთდეს. შოტლანდიელი სპეციალისტი, დევიდ მოიესი უკვე დიდი ხანია ცდილობს ნიჭიერი ნახევარმცველის დამატებას. ისეთის, რომელსაც შეეძლება პოლ სქოულზის სრულფასოვანი შეცვლა.

"მადრიდის რეალის" ხელმძღვანელები არ ჩქარობენ ესპანელთან კონტრაქტის გახანგრძლივებას. მათ განაცხადეს, რომ 90% დარწმუნებულნი არიან, რომ ჩაბი კლუბს მალე დატოვებს. ეს შესაძლოა სწორედ შემდეგ ზაფხულში მოხდეს.