უეინ რუნი ფიქრობს, რომ "ნორვიჩ სიტი" "იუნაიტედს" შესთავაზებს "ჰულ სიტისგან" განსხვავებულ თამაშს და დარწმუნებულია, რომ მისი გუნდელები მზად არიან ამ გამოწვევისთვის.

"წითლებმა" მოახერხეს კიდევ ერთი ქამბექის შესრულება "ბოქსინგ დეის" პირველ მატჩში, "ქეი-სი სტადიუმზე". შემდეგ გაჩერება კი "კეროუ როუდია" და რუნი აპირებს მომავალ მატჩში მორიგი სამი ქულის აღებას.

"ჰული" საკუთარ მოედანზე განსხვავებული სისტემით თამაშობს, თუმცა ჩვენ მაინც მოვახერხეთ თამაშის მოგება." - განუცხადა რუნიმ MUTV-ს. "შაბათის მატჩი განსხვავებული იქნება გუშინდელისგან, რადგან "ნორვიჩი" სხვა სტილით თამაშობს."

"კეროუ როუდზე" ყოველთვის კარგი ატმოსფეროა, ფანები შეეცდებიან ხელის შეშლას, თუმცა ყველას უნდა დავანახოთ ჩვენი სიძლიერე და იმედი მაქვს, რომ ამ მატჩს მოვიგებთ."

გადატვირთული რეჟიმის გამო უეინ რუნის მხოლოდ 48 საათი ექნება დასასვენებლად მატჩებს შორის.

"ჩვეულებრივ, თამაშიდან ორ დღეში ჩვენ აუზში ან დარბაზში ვართ და ძალებს ვიღდგენთ გასული მატჩიდან." დაამატა რუნიმ. "წლის ამ დროს განსხვავებული რეჟიმი გვაქვს. მე მაინც ვფიქრობ, რომ ინგლისში უნდა იყოს საახალწლო შესვენება, ეს ყველასთვის სასარგებლო იქნება. თუმცა ახლა ვერაფერს ვიზამთ, ჩვენ პროფესიონალები ვართ და ნებისმიერ სიტუაციას უნდა გავუმკლავდეთ."

რუნის ასევე ჰკითხეს იმოქმედებდა თუ არა ზამთრის დასვენება გულშემატკივრებზე: "დიახ, თუმცა გუნდს სჭირდება დრო ძალების აღსადგენად და ელემენტების დასატენად. დარწმუნებული ვარ, ეს მომგებიანი იქნება ნაკრებისთვისაც. ვიმედოვნებ, რომ ეს მალე მოხდება. ვფიქობ ეს მხოლოდ დროის საკითხია".

წყარო: ManUtd.com