კრის სმოლინგმა ისაუბრა გასულ მატჩზე, სადაც "მანჩესტერ იუნაიტედმა" შეძლო "ქამბექის" შესრულება და უმნიშვნელოვანესი სამი ქულა მოიპოვა "ჰალთან".
მასპინძლები უცებვე დაწინაურდნენ ორ ბურთიანი უპირატესობით, თუმცა სმოლინგამ შეძლო სხვაობის შემცირება, შემდეგ კი რუნიმ შესანიშნავი გოლით ანგარიში გაათანაბრა. საბოლოოდ კი გადამწყვეტი გოლი ჯეიმს ჩესტერმა გაიტანა საკუთარ კარში.
"იუნაიტედის" მცველი კრის სმოლინგი დარწმუნებულია, რომ ამ მატჩს დიდი მნიშვნელობა ექნება სატიტულო ბრძოლაში და მოხარულია, რომ თავისი გოლით დაეხმარა გუნდს.
"ძალიან გამიხარდა, რომ გოლის გატანა მოვახერხე, ვფიქრობ ამ გოლმა თავდაჯერებულობა შეგვმატა. რუნი ძალიან კარგ გადაცემებს აკეთებდა სტანდარტულებიდან, შემდეგ კი თვითონაც შეძლო გოლის გატანა."
"ვფიქრობ, ეს სასიცოცხლო მნიშვნელობის ქულები იყო, რადგან ჩვენ შევძელით წარმატებული სერიის გაგრძელება. ჩვენ ამ მატჩს დიდი თვითდაჯერებულობით შევხვდით და იგივე მოხდება შემდეგ მატჩებშიც. უკვე საკმარისი ქულები დავკარგეთ ამ სეზონში, უნდა ვეცადოთ, რომ ეს აღარ მოხდეს და გავაგრძელოთ გამარჯვებები."
მცველი ძალიან უკმაყოფილო იყო "იუნაიტედის" თამაშით საწყის წუთებში, თუმცა შეაქო თანაგუნდელების ბრძოლისუნარიანობა და გამარჯვების ჟინი.
"ეს იყო საზიზღარი სტარტი" - აღიარა სმოლინგმა. "ბოლო რამდენიმე მატჩში ჩვენ კარგად ვმუშაობდით დაცვაში და ცოტა გოლს ვუშვებდით, ამიტომ ეს ძალიან ცუდი დასაწყისი იყო. ჩვენ ვიცოდით, რომ მათ წინ ორი კარგი თავდამსხმელი ყავდათ, თუმცა ვერ მოვახერხეთ თამაშის ორგანზება და მათ დიდი სივრცეები მივეცით."
"ჩვენ ამაზე გასახდელში ვილაპარაკეთ და საბედნიეროდ მეორე ტაიმში მოვახერეთ კარის შენახვა და თამაშის მოგება, სხვა შემთხვევაში ეს იქნებოდა სასიკვდილო დარტყმა ჩვენთვის. ძალიან უიღბლო აღმოჩნდა 'ჰული' რადგან გადამწყვეტი გოლი მათ საკუთარ კარში გაიტანეს."
"ჰულს ბევრი შანსი ჰქონდა, განსაკუთრებით ბოლო ათ წუთში. ეს ნამდვილად გასაგიჟებელი "ბოქსინგ დეი" იყო და მთელი თამაშის განმავლობაში არასდროს შემიხედავს საათისთვის. ჩვენ უნდა დავრწმუნდეთ, რომ მსგავს შეცდომებს აღარ დავუშვებთ მომავალ მატშებში."