"იუნაიტედის" ყოფილი მენეჯერი, სერ ალექს ფერგიუსონი ალბათ არასდროს აპირებს გუნდთან დაშორებას. ეს კიდევ ერთხელ დამტკიცდა "ბოქსინგ დეის" მატჩში "ჰალ სიტისთან", როდესაც შოტლანდიელი გუნდის მთავარი მწვრთნელივით გამოწყობილი "KC სთეიდიუმზე" მივიდა. ფერგიუსონს კლუბის ოფიციალური ქურთუკი ექცვა, ზუსტად ისეთი, როგორც მანჩესტერის ყველა ფეხბურთელსა და მწვრთნელს, უილფრიდ ზაჰას გარდა. დევიდ მოიესმა თავს აშკარად კარგად უნდა გრძნობდეს, როდესაც ასეთი ადამიანი უმაგრებს ზურგს.


















რაც შეეხება თამაშს:"ჰალ სიტი" მალევე დაწინაურდა ყოფილი მანჩესტერელის, ჯეიმს ჩესტერის გოლით. შემდეგ მათ მეორე გოლიც შეაგდეს, რასაც "იუნაიტედმა" სმოლინგის თავურით უპასუხა. 26-ე წუთზე უეინ რუნიმ ულამაზესი გოლი გაიტანა. მეორე ტაიმში კი თავი ისევ ჩესტერმა გამოიჩინა- ბურთი საკუთარ კარში ჩაჭრა. მანჩესტერული კლუბი ახლა ცხრილში მეექვსეა- სულ რაღაც 5 ქულა აკლია მეოთხე ადგილოსან ლივერპულამდე. ეს "წითელი ეშმაკებისთვის" ყველაზე დაბალი ადგილია შობის პერიოდში. ამიტომ დევიდ მოიესს მოუწევს უფრო დიდი ქამბექის გაკეთება, ვიდრე სერ ალექსი აკეთებდა.