"უეინი შესანიშნავი იყო. მას დავალებული ჰქონდა რამდენიმე საქმის ერთად შესრულება, რასაც თავი კარგად გაართვა"- განაცხადა შოტლანდიელმა დევიდ მოიესმა, მაგრამ არ გაუმახვილებია ყურადღება იმაზე, თუ რას მოიცავდა უეინისთვის მიცემული დავალებები. რუნიმ გუშინ მართლაც შესანიშნავად ითამაშა- გაიტანა გოლი და გააკეთა ორი საგოლე პასი. სწორედ მან მოაგებინა "იუნაიტედს" "ბოქსინგ დეის" მატჩში "ჰალ სიტის" წინააღმდეგ. აღსაღნიშნავი ფაქტია- მისი ბრწყინვალე გოლი 26-ე წუთზე ინგლისელისთვის იყო 150-ე მანჩესტერულ კლუბში. ამიტომ კიდევ უფრო დიდი კითხვის ნიშანი ჩნდება მის საქციელთან დაკავშირებით- რატომ მიმართა სიმულაციას ჰადელსტოუნთან ორთაბრძოლისას?
ჰადელსტოუნი ცდილობს არ შეეხოს რუნის, მაგრამ ის მაინც იქცევა
უეინი იმსახურებდა ყვითელ ბარათს სიმულაციის გამო
რუნი მხოლოდ მეორე ფეხბურთელია პრემიერ ლიგაში, ვინც ერთ კლუბში 150 გოლი გაიტანა. პირველი ტიერი ანრია, რომელიც "არსენალში" ასპარეზობდა. უეინი გუშინ მსაჯთან, მაიკლ ოლივერთან კამათის გამო გააფრთხილეს, მაგრამ მას შეეძლო მიეღო ყვითელი ბარათი 3-ჯერ. ყველაზე ცუდი ამ 3 ფაქტიდან სიმულაცია იყო, რასაც ბრიტანელი ფანები ვერ იტანენ. თავად რუნიმ 2009 წელს განაცხადა:
"ყველამ, ვინც მიყურებს იცის, რომ მე სამართლიანი ფეხბურთელი ვარ. მე ვცდილობ მაქსიმალურად პატიოსნად ვითამაშო." "იუნაიტედის" ფეხბურთელი პირველად არ ვარდება ასეთ სიტუაციაში- სიმულაციას უკვე მივეჩვიეთ ეშლი იანგისა და ადნან იანუზაისგან.
შესანიშნავი გოლი, რომელიც რუნისთვის 150-ე გამოდგა "იუნაიტედში"
იანგს რეპუტაცია შეელახა არაერთი "დაივის" გამო
ორივე ნიჭიერი ვინგერია. მთავარმა მწვრთნელმა მათ არაერთხელ მოუწოდა პატიოსნად თამაშისკენ, მაგრამ უშედეგოდ. იანგი ხშირად ეცემა მოედანზე კონტაქტის გარეშე. ბოლოს ასეთი შემთხვევა "რეალ სოსიედადთან" თამაშის დროს დაფიქსირდა, როდესაც არბიტრმა თერთმეტმეტრიანი დანიშნა ესპანელთა კარში. რაც შეეხება იანუზაის, მოიესი ამბობს, რომ მას მეტი დაცვა სჭირდება. ბელგიელი(ან შეიძლება ითქვას ალბანელი/ინგლისელი) ვარსკვლავი "მარათონში" სეზონის დასაწყისშივე ჩაერთო.
ადნანმა არაერთი გაფრთხილება მიიღო სიმულაციისთვის
მოიესმა ეს პრობლემა მალე უნდა მოაგვაროს