"ჰალის" მენეჯერი სტივ ბრიუსი დარწმუნებულია, რომ "იუნაიტედს" ჯერ კიდევ აქვს "პრემიერ ლიგის" ტიტულის მოგების შანსი.

"თუ გსურთ, რომ "იუნაიტედთან" მატჩში მოგების მცირე შანსი მაინც გქონდეთ, 90 წუთის განმავლობაში თქვენ საკუთარ თავს უნდა გადააჭარბოთ. სწორედ ამის იმედი გვაქვს ჩვენ. არასდროს არ შეიძლება "იუნაიტედის" ჩამოწერა სიიდან. ის, რომ მათ შეიცვალეს მენეჯერი, არ ნიშნავს რომ შეიცვალა მათი მენტალიტეტი. ფეხბურთელები მიჩვეულები არიან წარმატებას. ამ გრძნობას მათში ღრმად აქვს ფესვები გადგმული." - გადმოგვცემს სტივ ბრიუსის სიტყვებს Dailymail.co.uk

"მათ იციან როგორ მოიგონ ტიტული. არ შეიძლება მათი სიიდან ჩამოწერა, რადგან "იუნაიტედს" შეუძლია მიყოლებით 10-იდან 9 თამაშის მოგება. სეზონის მეორე ნაწილში, ეს გუნდი ყოველთვის უფრო ძლიერად ასპარეზობს. დარწმუნებული ვარ, რომ იგივე მოხდება ამ სეზონში."

"დევიდ მოიესს აუცილებლად მიეცემა საჭირო დრო. ხელმძღვანელობა მას მისცემს შანს იმისათვის, რომ თავისი იდეების რეალიზება მოახდინოს და საკუთარი ხედვა დანერგოს გუნდში. გაიგეთ, რომ სერ ალექს ფერგიუსონის შეცვლა, ეს წარმოუდგენლად დიდ წნეხთან არის დაკავშირებული. ჯერ-ჯერობით მოიესს თავი კარგად უჭირავს. მასში არავის არ ეპარება ეჭვი."

წყარო: Redevils.ru