"მანჩესტერ იუნაიტედის" მთავარმა მწვრთელმა დევიდ მოიესმა, ადნან იანუზაი კლუბის ყოფილ ვარსკვლავ კრისტიანო რონალდოს შეადარა.
როგორც პორტუგალიელი თავის დროზე, ასევე იანუზაიც 18 წლის ასაკში "იუნაიტედის" პირველ გუნდში მოხვდნენ. შოტლანდიელი სპეციალისტის თქმით ადნანს შეუძლია რონალდოს დონემდე მისვლა, რომელიც 2009 წელს სამეფო კლუბში წავიდა 80 მილიონ ფუნტად.
"ზოგმა უნდა გაიგოს, რომ ის დიდი ტალანტია. ამ დროისთვის მას ძალიან ბევრს ურტყავენ ფეხებში, მაგრამ ეს ჩვეულებრივი მოვლენაა - რონისაც ურტყავდნენ, მაგრამ შეხედეთ როგორი ფეხბურთელი დადგა."
"ადნანსაც აქვს შანსი დროდადრო უფრო ბევრს მიაღწიოს და მსოფლიო დონის ვარსკვლავი გახდეს. ამ დროისთვის, მისი სამუშაო მხოლოდ იმაში მდგომარეობს, რომ ის აგრძელებს თამაშს." - აცხადებს დევიდ მოიესი Manchester Evening News-თან.