ჰოლანდიელი ვარსკვლავი, უესლი სნეიდერი აცხადებს, რომ იანვარში მისი ტრანსფერი მანჩესტერში გამორიცხულია. მან დასძინა, რომ თურქულ კლუბში ბედნიერია. "გალათასარაის" ხელმძღვანელობა ირწმუნებოდა, რომ ბრიტანელები სთავაზობდნენ მათ კოლოსალურ თანხას 29 წლის ნახევარმცველში- "გალა" მის სანაცვლოდ 35 მილიონ ფუნტს მიიღებდა. მისი ამჟამინდელი ხელფასი კვირაში 200,000 ფუნტია.
ეცდება მოიესი სნეიდერის გადაბირებას?
მრავალი წყარო იუწყება, რომ დევიდ მოიესი დაინტერესებულია სნეიდერით. იმას თუ გავითვალისწინებთ, რომ შოტლანდიელი აქტიურად ეძებს ნახევარმცველებს გუნდის გასაძლიერებლად, ეს შეიძლება რეალურიც იყოს. მაგრამ, ამავდროულად მოიესი ეცდება "იუნაიტედის" შემადგენლობის გაახალგაზრდავებას. 29 წლის უესლი ამ მხრივ არ გამოდგება, მით უმეტეს, მისი განცხადებით, არანაირი შეთავაზება არ ჰქონია მანჩესტერისგან:"თქვენ ჩემზე კარგად გეცოდინებათ, თუ მექნება რაიმე შემოთავაზება. ამ შემთხვევაში არანაირი შეთავაზება არ მაქვს. ყოველი სატრანსფერო ფანჯრის დროს არის ჭორები ჩემს შესახებ. ამ დროს უბრალოდ ველოდები ფანჯრის დახურვას, რათა ყველა ჭორი გაქრეს. ძალიან ბედნიერი ვარ აქ, მით უმეტეს, შესანიშნავი ფანები გვყავს. უბრალოდ დაველოდოთ სატრანსფერო ფანრჯის დახურვას. "
"გალათასარაის" ჰოლანდიელი ლიდერი
სნეიდერი "ინტერიდან" "გალათასარაიში" 2013 წლის იანვარში, 8.4 მილიონი ფუნტის სანაცვლოდ გადავიდა. მას ამჟამინდელი კონტრაქტი კლუბთან 2016 წლამდე აკავშირებს.
და ბოლოს, ვიდეო განწყობისთვის- უესლი და მისი თანაგუნდელი, დირკ კიუიტი ცდილობენ შაურმის გაკეთებას: