ინგლისელი უნივერსალი აცხადებს, რომ მისი გუნდისთვის სასიცოცხლოდ მნიშვნელოვანია მომდევნო 2 მატჩისთვის სათანადო მომზადება და დაგეგმილი გამარჯვებების მიღწევა. "იუნაიტედი" ორ გასვლით მატჩს გამართავს "ჰალ სიტის" და "ნორვიჩის" წინააღმდეგ, 26 და 28 დეკემბერს (შესაბამისად). გასამართ მატჩებს გადამწყვეტ მნიშვნელობას ანიჭებს ჯონსი, ვინაიდან არცერთი მათგანი არ იქნება ადვილად მოსაგები. სტივ ბრიუსის გუნდს მხოლოდ ერთი საშინაო მატჩი აქვს წაგებული და მიღებული მხოლოდ და მხოლოდ სამი ბურთი საკუთარ კარში.

"სტივ ბრიუსი შესანიშნავად ართმევს თავს მოვალეობას." აცხადებს ჯონსი MUTV-სთან ინტერვიუში. "მას ის გუნდი და ფეხბურთელები ჰყავს, რომელიც თავადვე უნდოდა რომ ჰყოლოდა. სწორედ ეს არის იმის მიზეზი, რომ ეს გუნდი კარგ სეზონს ატარებს. ჩვენ ვალდებულები ვართ სათანადოდ შევაფასოთ მეტოქე, რადგან ბოქსინგ დეის დროს ისინი ადვილი დასამარცხებლები არ იქნებიან."

"ნორვიჩს" რაც შეეხება, მათ მხოლოდ 2 მატჩი აქვთ დათმობილი საკუთარ კედლებში. "ჩვენ მხოლოდ "ჰალთან" მატჩამდე გვაქვს დრო იმისათვის რომ სათანადოდ მოვემზადოთ" განაგრძობს ჯონსი.

"მათ წინააღმდეგ მომზადება ძირითადად აგებული იქნება ტაქტიკების შემუშავებაზე, რასაც ჩვენი გუნდი შეკრებებისას გააკეთებს. არ აქვს აზრი ეს შეკრება მოედანზე იქნება თუ მის გარეთ, მთავარია ჩვენ სათანადოდ მოვემზადოთ მატჩებისთვის."

ფილ ჯონსი მოხარული იქნება თუ მისი გუნდი ამ 12 თვეს გამარჯვებებით დაასრულებს. "მიუხედავად იმისა, რომ სერ ალექსმა დაგვტოვა, პრემიერ ლიგის ტიტულის აღმართვამ მაინც უდიდესი სიხარული მომგვარა. უკანასკნელი თვეების მანძილზე "იუნაიტედი" თავის თავს არ ჰგავს, მაგრამ ჩვენ ყველანაირად ვცდილობთ ძველი გუნდი დაბრუნდეს. საერთო ჯამში, 2013 მშვენიერი წელი გამოდგა." დაასრულა ფილმა.

Manutd.com