ჯეიმს კოლინსმა ახალგაზრდა ბელგიელის სიმულაციებზე ისაუბრა.
იანუზაი დასჯილი იქნა ყვითელი ბარათით "ვესთ ჰემთან" მატჩში, სიმულაციის გამო. ამასთან დაკავშირებით "ჩაქუჩების" მცველმა, ჯეიმს კოლინსმა დაუფარავად გააკრიტიკა ბელგიელი და შეაქო კიდეც. მისი აზრით ადნანი ჯერ ძალიან ახალგაზრდაა და ნელ-ნელა დახვეწს მანერებს.
"ის პირდაპირი მნიშვნელობით მოტყუებაა" - აცხადებს კოლინსი SkySPORT-თან ინტერვიუში.
"არ მომწონს მსგავსი საქციელები ფეხბურთში. როდესაც მე მასთან (იანუაზისთან) კონტაქტში შევდიოდი, ის უკვე მზად იყო წასაქცევად. ამ ყველაფერს სიმულაცია ეწოდება. იგი ჯერ ახალგაზრდაა და მჯერა რომ გამოასწორებს საქციელს. ჩემი აზრით, დევიდ მოიესმა მასთან და იანგთან დიდხნიანი საუბრები უნდა გამართოს. იანუზაი კარგი ფეხბურთელია და ჩვენს წინააღმდეგაც მშვენივრად ითამაშა. თუ მან ასეთ დონეზე თამაში განაგრძო, მალე ის ერთ-ერთი საუკეთესო გახდება.""მანჩესტერ იუნაიტედის" თავკაცმა, დევიდ მოიესმა უპასუხოდ არ დატოვა კოლინსის განცხადება და მორიგი სიტყვებით გამოეხმაურა:
"მე ყველაფერი კარგად დავინახე. ვფიქრობ რომ ის მოელოდა ფეხში ჩარტყმას და ამიტომაც დაეცა. მთელი მატჩების განმავლობაში ჩვენ ვხედავთ თუ როგორ უხეშად თამაშობენ იანუზაის მიმართ და ეს სიმულაცია მგონი ამით არის გამოწვეული." "ვესთ ჰემი" პრემიერ ლიგის ცხრილში 17-ე ადგლზე იმყოფება და კლუბის კაპიტანმა, კევინ ნოლანმა გადაწყვიტა გაეუქმებინა "ზეიმი" გუნდში, თავიანთი სუსტი თამაშის ხარისხის გამო.
ვრცლად "ვესტ ჰემის" შესახებ.
"ჩვენ ამას ნამდვილად არ ვიმსახურებთ" აცხადებს კოლინსი. "ჩვენ რომ სუსტად არ გამოვიყურებოდეთ, მაშინ მშვენიერი იქნებოდა ფეხბურთელებთან ერთად სადმე გასვლა აღნიშვნა, მაგრამ კაპიტანმა გადაწყვიტა, რომ გუნდის დღევანდელ სიტუაციასთან არაადეკვატური იქნებოდა, რაშიც მე ყველანაირად ვეთანხმები."
"ჩაქუჩები" ნახევარ ფინალში იმყოფებიან Capital One Cup-ზე, თუმცა პრემიერ ლიგის ბოლო 10 მატჩიდან მათ მხოლოდ ერთ შეხვედრაში მოიპოვეს გამარჯვება.
"შარშანდელ სეზონში ჩვენ კარგად გამოვიყურებოდით, მაგრამ ჩემთვის უცნობმა ფაქტორმა გუნდს თვითდაჯერებულობა დააკარგვინა" აგრძელებს კოლინსი. "ჩვენ ვიცოდით რომ წარმატებული სეზონი არ გველოდა წინ. ფეხბურთელები იმდენ გოლს ვერ იტანენ, რამდენიც საჭიროა წარმატების მისაღწევად. ამ სეზონში ჩვენ 8 თამაშში კარი მშრალად შევინახეთ, თუმცა გამარჯვებისთვის მხოლოდ ეს არ კმარა. ყველამ უნდა მოინდომოს და მაქსიმუმი გააკეთოს, მხოლოდ ეს მიგვიყვანს წარმატებამდე."
ჯეიმსს სჯერა რომ მისი გუნდის მწვრთნელს, სემ ელერდაისს აქვს საკმარისი გამოცდილება, რომ "ჩაქუჩებმა" ადვილად შეძლონ "არსენალის" და "ვესტ ბრომვიჩის" გამასპინძლება საშობაო ზეიმის შემდეგ.
"ძალიან დიდი ხანია ბოსი ამ საქმეს აკეთებს. მას შესანიშნავი მაჩვენებელი აქვს ასეთ სიტუაციებში და იცის როდის რას აკეთეს. მას უკვე აქვს მომზადებული ტაქტიკა და მთლიანად მოტივირებულია მომდევნო თამაშებზე. ვიმედოვნებ რომ ამ პერიოდში გუნდი მნიშვნელოვანი ქულების მოპოვებას შეძლებს. სამწუხაროა, როცა გუნდი კარგ მატჩს ატარებს და დამსახურებულ შედეგს ვერ იღებს."
ვესთ ჰემის" თავდამსხმელი, ენდი ქეროლი კი რეაბილიტას განაგრძობს მას შემდეგ რაც ტერფის ტრავმა გაუმიზეზდა და სეზონს დიდი ხნის მანძილზე გამოაკლდა.
"ის შესანიშნავი ფეხბურთელია, მაგრამ ბედმა არ გაუმართლა. მისი არყოფნა იმაზე დიდხანს გრძელდება, ვიდრე ჩვენ მოველოდით. თუმცა ის სპორტდარბაზში ვარჯიშს მაინც განარგძობს და ეს ყველაფერი იმაზე მიგვანიშნებს, რომ გამოჯანმრთელების პროცესი დასასრულს უახლოვდება და ენდიც მალე დაგვიბრუნდება." დაასრულა კოლინსმა.
წყარო:
SkySPORTS