დევიდ მოიესი იმედოვნებს, რომ საშობაო პერიოდში მის გუნდს დაუბრუნდებიან მაიკლ კერიკი და რობინ ვან პერსი. ორივე ფეხბურთელი გუნდს გამოაკლდა ახალ წლამდე, ჰოლანდიელს ბარძაყის ტრავმა აწუხებს, ინგლისელს- აქილევსის მყესზე აქვს პრობლემები. ყველაფრის მიუხედავად, მოიესს სურს მათი დაბრუნება "ბოქსინ დეის" მომდევნო მატჩებში. შემდეგი სამი შეხვედრა "იუნაიტედს" ჰალ სიტისთან, ნორვიჩთან და "ტოტენჰემთან" აქვს.
რობინს ბარძაყის ტრავმა აქვს
კერიკს აქილევსის კუნთზე პრობლემა აქვს
მოიესმა თქვა:"ახალ წელს ყოველთვის ხდება სასწაული, ასე რომ, ვიმედოვნებ რობინი და მაიკლი დაგვიბრუნდებიან. ეს ის დროა, როდესაც საოცრებები ხდება. შენ წინასწარ არაფერი იცი." ბოსი ასევე აპირებს დაიბრუნოს უკან ნიკ პაუელი, ჯესი ლინდგარდი და რაიან ტანიკლიფი ზამთრის სატრანსფერო ფანჯრის დროს, იმ შემთხვევაშიც კი, იყიდის თუ არა "იუნაიტედი" ახალ ფეხბურთელებს:"მათ დაბრუნებას ვეცდებით იანვარში. მე მათ აქტიურად ვადევნებ თვალს. ძალიან ბევრი ბიჭი გვყავს განათხოვრებული, თითოეულ მათგანს ზედმიწევნით ვაკვირდებით. ისინი გუნდის მომავალი არიან. იმედი მაქვს პაუელს, ლინდგრადსა და ტანიკლიფს ამ ზამთარში დავიბრუნებთ."