დევიდ მოიესმა განაცხადა, რომ ახალგაზრდა ფეხბურთელები, რომლებიც ახლა შესანიშნავად ასპარეზობენ განათხოვრებულ გუნდებში, დიდ როლს ითამაშებენ კლუბის მომავალში.

ნიკ პაუელმა მოახერხა რვა გოლის გატანა ამ სეზონში "უიგანის" შემადგენლობაში და ის ერთ-ერთი იმ ფეხბურთელთაგანია, რომელსაც კლუბში უდიდეს მომავალს უწინასწარმეტყველბენ. უილ კინი ცოტა ხნის წინ შეუერთდა პაუელს "დი-დაბლიუ სტადიონზე", ხოლო მისი ტყუპი ძმა დაუპისრისპირდა კიკო მაკედას "დერბისა" და "დონკასტერის" მატჩში.

კლუბს უკვე დიდი ხანია ტრადიციად აქვს ახალგაზრდა ფეხბურთელების არენდით გაშვება. ასეთი შემთხვევა იყო 1995 წელს, როდესაც დევიდ ბექჰემი "პრესტონში" გაანათხოვრეს, სადაც ის მოიესთან ერთად ასპარეზობდა. ეს ტრადიცია დღემდე გრძელდება და შოტლანდიელი მწვრთნელი დარწმუნებულია, რომ ეს ახალგაზრდები გუნდის მნიშვნელოვან ნაწილს შეადგენენ.

"მე ძალიან აქტიურად ვადევნებ თვალს ჩვენს ბიჭებს, როგორიცა ჯესი ლინგარდი, ნიკ პაუელი და რაიან ტანიკლიფი. ისინი ახლა არენდით არიან გაშვებულნი სხვადასხვა გუნდებში." - განაცხადა მოიესმა. "ჩვენ კიდევ რამდენიმე ფეხბურთელი გვყავს განათხოვრებული, რომელთაც თვალს არ ვაშორებ, ისინი კლუბის მომავლის ნაწილები არიან. უყურადღებოდ არ ვტოვებთ არცერთ ჩვენს ფეხბურთელს."

წყარო: ManUtd.com