დენი უელბეკმა განაცხადა, რომ პოზიტიურად ფიქრი ერთადერთი საშუალებაა ცხრილის სათავეში დასაბრუნებლად.

თავდამსხმელმა 3 გოლი გაიტანა ბოლო ექვს მატჩში და დაეხმარა გუნდს მოეპოვებინა მიყოლებით მეოთხე გამარჯვება, ყველა ჩემპიონატში ერთად.

დევიდ მოიესის შეგირდებს ჰქონდათ ძალიან ცუდი პერიოდი, როდესაც მათ მიყოლებით სამი მატჩი ვერ მოიგეს, თუმცა "წითლებმა" მაინც მოახერხეს თამაშის გაუმჯობესება და უკვე მეოთხე მატჩია მოედანს გამარჯვებულები ტოვებენ.

"ძალიან კარგია სამი ქულის აღება." - განუცხადა უელბეკმა Sky Sports-ს. "ჩვენ ვიცოდით, რომ აუცილებლად უნდა მოგვეგო ეს მატჩი და მზად ვიყავით ამის გასაკეთებლად. საბედნიეროდ, პირველივე ტაიმში მოვახერხეთ ორი გოლის გატანა და მთელ თამაშს ვაკონტროლებდით."

"როგორც გუნდი, ჩვენ დავსხედით და შევთანხმდით, რომ საჭირო იყო უკეთ თამაში და ყველა მატჩში ქულების მაქსიმუმის მოპოვება. ასეთი განწყობით მოვახერხეთ ოთხი მატჩის მოგება და ვეცდებით იგივე გავაგრძელოთ მომდევნო თამაშებშიც."

"აუცილებელია, რომ სულ დადებითზე ვიფიქროთ. ეს არის 'მანჩესტერ იუნაიტედის' გზა. არ არსებობს ნეგატიური განწყობა, ჩვენ მხოლოდ პოზიტიურზე ვფიქრობთ."

შეგახსენებთ, რომ უელბეკმა მოედანი 54-ე წუთზე დატოვა, რისი მიზეზიც მუხლის ტრავმა გახდა. რაც შეეხება "იუნაიტედს" ისინი შემდეგ მატჩს გამრთავენ "ჰულ სიტის" წინააღმდეგ.

წყარო: ManUtd.com