დევიდ მოიესის თქმით, გუნდში არავის აქვს იმის შიში, რომ "იუნაიტედი" ვერ მიაღწევს წარმატებას ზედიზედ მესამე საშინაო მატჩში. მანჩესტერელებს არ წაუგიათ ზედიზედ სამი მატჩი "ოლდ ტრაფორდზე" 1979 წლის შემდეგ. მათ შეუძლიათ გაიმეორონ ეს შედეგი დღეს "ვესტ ჰემის" წინააღმდეგ. პატრის ევრას განცხადებით, შიშის ფაქტორი საშინაო მატჩებში უფრო და უფრო იმატებს, რასაც დევიდ მოიესი არ დაეთანხმა:"ნაჩვენები შედეგი არ იყო ისეთი, როგორიც გვსურდა. ამის გამო თავში გვიტრიალებს ისეთი სიტყვები, როგორიცაა ნერვიულობა, შიში. მაგრამ პირადად მე, არ მიგრძვნია ასეთი რამ. ფანები ზურგს გვიმაგრებენ. მათ იციან, რომ გვსურს უკეთ თამაში, მეტი გოლის გატანა. სამწუხაროდ წინა შეხვედრებში ეს ვერ შევძელით."

"იუნაიტედს" დღეს თამაში ნანის გარეშე მოუწევს, რომელიც ლაზარეთს შეუერთდა ხანგრძლივი ტრავმით. მოიესის თქმით, ის რამდენიმე კვირას გამოტოვებს. რაც შეეხება უეინ რუნის, მას აქვს შანსი დღეს თამაშისა. შეგახსენებთ, რუნიმ "სტოკ სიტისთან" თამაში საზარდულის ტრავმის გამო გამოტოვა. შაბათის მატჩი პირველია იმ ოთხთაგან, სადაც "იუნაიტედი" ეცდება სიტუაციის გამოსწორებას. ბევრი ფიქრობს, რომ პატარა მონაკვეთში ძალიან ბევრი მატჩი იმართება, მაგრამ მოიესს უარესი პერიოდიც ახსოვს: "მე მახსოვს ის პერიოდიც, როდესაც 2 დღეში 2 მატჩის ჩატარება გიწევდა. მე მითამაშია ასეთ სიტუაციაში. ახლა მოგვიწევს 3 დღეში 2 თამაშის გამართვა. ჩვენ ქვეყანაში უკვე შევეჩვიეთ საშობაოდ ბევრი მატჩის გამართვას."