იუნაიტედი პრემიერ ლიგის სატურნირო ცხრილში 8–ე ადგილზე იმყოფება, ბოლო თამაშებში დაკარგული ქულების გამო. ისინი დღეს "ვესტ ჰემს" უმასპინძლებენ.
"მანჩესტერ იუნაიტედის" ლეგენდარულმა მწვრთნელმა სერ ალექს ფერიუსონმა პოსტი ზაფხულში დატოვა, მისი ადგილი კი "ევერტონის" ყოფილმა მწვრთნელმა დევიდ მოიესმა დაიკავა, რომელსაც ძალიან გაუჭირდა სერ ალექსის ჩანაცვლება.
მოიესზე საუბრობს მისი დღევანდელი მოწინააღმდეგე, "ვესტ ჰემის" მთავარი მწვრთნელი სემ ელერდაისი.
"მე ვფიქრობ, რომ ის ცუდი მწვრთნელი არ არის."–განაცხადა სემმა.
"იუნაიტედი ინგლისის თასის ნახევარფინალში გავიდა, ისინი პირველ ადგილზე გავიდნენ ლიგის ჯგუფურ ეტაპზე. ეს არ არის ცუდი შედეგი, მაგრამ მათი პოზიცია პრემიერ ლიგაზე ნამდვილად არ არის შესაშური და სახარბიელო, როგორც გასულ წლებში იყო."
"დევიდის წინაშე დგას უდიდესი ამოცანა, მან უნდა ჩაანაცვლოს სერ ალექსი, რაც ადვილი არ არის. იგი მუდამ ისეთი იდეების ძიებაშია, რომელიც გუნდს დაეხმარება."
"ხალხის უმეტესობა ლაპარაკობს მასზე, რომ იგი ბევრს ვერ მიაღწევს, მაგრამ ჯერა, რომ იგი განსაკუთრებულ კვალს დატოვებს კლუბის ისტორიაში".