საშობაოდ "მანჩესტერმა" ტრამვები მიიღო "საჩუქრად". დღეს, "ვესტ ჰემის" წინააღმდეგ, მოიესის ბიჭებს დააკლდებათ უეინ რუნი, რობინ ვან პერსი, მაიკლ ქერიკი და წითლების მენეჯერმა უფრო ცუდი ამბავი შეიტყო £27 მილიონად შეძენილი მარუან ფელაინის შესახებ.



ფელაინს გაუკეთებენ სკანირებას და თუ პრობლემები სერიოზული აღმოჩნდა, ისედაც ცუდი სტარტის ამღები ფეხბურთელი ორი კვირით გამოეთიშება გუნდს.

"ფელაინის აქვს ზურგის დაზიანება. ვიმედოვნებთ, რომ ის განიკურნება მალევე, თუმცა მე მაინც ვაპირებ, რომ მარუანი გავგაზვნო მორიგ სკანირებაზე და თუ ის კიდევ არ განიკურნება, უკვე მის წელსაც უნდა შევეხოთ. იმედი გვქონდა, რომ ზურგის ტრამვა მხოლოდ 10 დღე გაგრძელდებოდა, თუმცა ფელაინი ტკივილებს ისევ გრძნობს"

"ჩვენ ველით შედეგს. მე დაზუსტებით ვერ გეტყვით ვუკეთებთ თუ არა მას წელის ოპერაციას, თუმცა თუ ეს მოხდება მინიმუმ ექვსი კვირა მაინც მოუწევს მას შეჩერება."-განაცხადა მოიესმა.



"იუნაიტედი" ეძებდა გამოსავალს, თუ როგორ უნდა აეკრიფათ ფორმა და აღმოეფხვრათ ათქულიანი ხარვეზი "არსენალთან". ახლა კი ამოცანა უფრო და უფრო გართულდა, რადგან მოიესს რამდენიმე გუნდისთვის სასიცოცხლო ნაწილის გარეშე უწევს თამაში.

თუმცა, რუნის აქვს შანსი შაბათს თამაშისა, მაგრამ ალბათ ის "ჰალ სიტისთან" უფრო გამოჩნდება.



ქერიკის დაბრუნებასაც მალე მოელიან, თუ "ჰალ სიტისთან" არა, ახალი წლისთვის ის აუცილებლად დაბრუნდება.

"მაიკლ ქერიკმა შეძლო გარეთ გასვლა და ეს ძალიან კარგია."–განაცხადა მოიესმა.



მოიესი პარასკევ საღამოს უცნაური კრიტიკის ქვეშ მოექცა. კრიტიკის ავტორი კი ჰოლანდიელი მწრთვნელი რეიმონდ ვერეიჯენი გახლდათ. ის ადრე მუშაობდა ჰოლანდიის ნაკრებში. გასაკვირია, თუმცა რეიმონდი მოიესს ადანაშაულებს კლუბში ამდენი ტრამვის გამო.

"თუ თქვენ გადახედავთ მოიესის ისტორიას "ევერტონში", თქვენ დაინახავთ, რომ მისი იქ ყოფნის მანძილზე შვიდჯერ ან რვაჯერ მასიურად ფეხბურთელები დაზიანებულნი იყვნენ. ეს კარგი მაგალითია იმისთვის, რომ ეს ყველაფერი "იუნაიტედშიც" მოხდება."-აცხადებს რეიმონდი.

მოიესმა ამ კრიტიკაზე აუღელვებელი პასუხი გასცა: "მე საერთოდ არ ვიცი ვინ არის იგი, მას არ ვიცნობ. იქნებ მანახოს რაიმე საბუთი რის გამოც მას ჩემი კრიტიკის მიზეზი და უფლება აქვს, მაგრამ კიდევ ერთხელ ვიმეორებ მე არაფერი ვიცი მასზე. თუ მე ის მის სამწრთვნელო კარიერას მაჩვენებს, მე საკმაოდ ჩამოყალიბებულ, ყოვლისმომცველ პასუხს გავცემ, მანამდე კი არაფრის თქმას არ ვაპირებ."



ტრამვების მიუხედავად მოიესი მაინც იმედიანადაა გნწყობილი:

"თუ ეს პერიოდი ჩვენი გამოცდაა, ეს უეჭველად უფრო რთული იქნება სხვა "პრემიერ ლიგის" გუნდებისთვის. რადგან მე ვფიქრობ, რომ ყველაზე დიდი და შესაძლოა ყველაზე ძლიერი სკამი ჩვენ გვყავს"

"ჩვენ გვყავს ისეთი ცვლილებები, რომლებსაც ნამდვილად შეუძლიათ ტრამვირებულების შეცვლა და მათი არყოფნით გამოწვეული დანაკლისების შევსება. ჩვენ თერთმეტივე ფეხბურთელის შეცვლა შეგვიძლია თუ დაგვჭირდება, იმიტომ რომ ჩვენ ეს რეზერვი გვყავს. ჩვენ დავკარგეთ გუნდისთვის სასიცოცხლო მნიშვნელობის ფეხბურთელები მცირე ხნით, თუმცა ჩვენ დაგანახებთ, რომ ჩვენ ამასთანაც შეგვიძლია შეგუება და ამის გარეშეც როგორმე თავს გავართმევთ."

"მე მოუთმენლად ველი ყველას დაბრუნებას და როდესაც ეს მოხდება, ჩვენ გაცილებით უკეთესად ვიგრძნობთ თავს, ისევ მთელი ძალებით ვითამაშებთ და პრობლემებს შევუქმნით სხვა გუნდებს. მე არანაირად არ ვფიქრობ, რომ ის ხარვეზი რაც "პრემიერ ლიგაში" გვაქვს დაუძლეველია. ჩვენ თავიდანვე ვიცოდით ყველამ, რომ ეს სეზონი "იუნაიტედისთვის" იქნებოდა როგორც აღმაფრენებით, ისე დაღმაფრენებით სავსე."



"შეიძლება ჩვენ უკვე ბევრი დაცემა განვიცადეთ, მაგრამ იქნებ ყველა გამარჯვება და ყველა წარმატება წინ გველის? ამ კლუბის ისტორია გვიჩვენებს, რომ "მანჩსეტერ იუნაიტედი" ძირითადად მეტ წარმატებას სეზონის მეორე ნაწილში აღწევდა ხოლმე, ჩვენც ამის იმედი გვაქვს და აუცილებლად მივაღწევთ წარმატებას."-დაასრულა ბოსმა.

DailyMail.co.uk