"იუნაიტედი" მზად არის არ დაიხიოს უკან ელიაკიმ მანგალას გადაბირებისთვის ბრძოლაში. ხელმძღვანელობა ეცდება უკვე მიმდინარე წლის ბოლოს შეათანხმოს მცველთან ყველა ნიუანსი, სანამ სხვა კლუბები დაიწყებენ აქტიურობას. მანჩესტერმა ამავდროულად უნდა გადაწყვიტოს, თუ რა მოხდება ზაფხულის შემდეგ რიო ფერდინანდთან დაკავშირებით. რიოს წასვლის შემთხვევაში, წითლებს მაინც ბევრი ცენტრალური მცველი დარჩებათ შემადგენლობაში. ამის მიუხედავად ისინი კიდევ ერთ მცველს აკვირდებიან- მეჰდი ბენატიას, რომელიც "რომაში" თამაშობს.

მენეჯერმა დევიდ მოიესმა გადაწყვიტა, რომ დაიმატოს ორი ძლიერი, ფანებისთვის კარგად ცნობილი მოთამაშე. შესაძლოა ერთ-ერთი მათგანი უესლი სნეიდერი იყოს, ეს ინფორმაცია ჯერ კიდევ თვის დასაწყისში MailOnline-მ გაავრცელა. ჰოლანდიელი დიდი ალბათობით დათანხმდება შემოთავაზებას, მაგრამ არის ერთი ფაქტორი- მოიესი ყურადღებას ახალგაზრდა ფეხბურთელებს დაუთმობს. ის გრძელვადიანი გუნდის შენებას იწყებს, ამ შემთხვევაში კი 29 წლის ნახევარმცველის დამატება უადგილოა.

ფერნანდოს, რომელიც "პორტოში" თამაშობს, მოიესი ჯერ კიდევ "ევერტონის" მწვრთნელობისას აკვირდებოდა. მისით მეორე ლივერპულური კლუბიც დაინტერესდა. ასევე შოტლანდიელი ყაზანის "რუბინის" ნახევარმცველით, იან მვილათი დაინტერესდა.

დევიდი სატრანსფერო ფანჯრის დროს აქტიურობას აპირებს

"იუნაიტედის" პრაქტიკანტი, ჯოშ ბრაუნჰილი, დაუბრუნდება თავის ამჟამინდელ გუნდს, "პრესტონ ნორს ენდს" დიდი მატჩის წინ. უარინგტონელი ნახევარმცველი, რომელიც გუშინ გახდა 18 წლის, მანჩესტერელებმა ერთი წლის წინ გაანათხოვრეს პრესტონის ახალგაზრდულ გუნდში. აქ სიმონ გრაისერმა აღმოაჩინა მისი ნიჭი და დააყენა ძირითად შემადგენლობაში ოქტომბერში. მან თავისი დებიუტი გოლით აღნიშნა "ჯილინჰემის" წინააღმდეგ. მას შემდეგ ბრაუნჰილის თამაშს ბევრი კლუბის აგენტი აკვირდება. "ფულჰემის" მთავარმა მწვრთნელმა, რენე მალესტინმა კარგად იცის ჯოშის შესაძლებლობები. ბრაუნჰილს აკვირდებოდნენ ლივერპულის და სტოკის აგენტები.

უილფრიდ ზაჰა ერთ-ერთი ყველაზე მოთხოვნადი ფეხბურთელი იქნება ზამთრის სატრანსფერო ბაზარზე. მისი კარიერა მანჩესტერში წარმატებულად ვერ აეწყო და სხვა ფეხბურთელებზე იქნება დამოკიდებული, გაასხვისებენ მას თუ არა. ნიუკასლი განსაკუთრებით აქტიურობს. ასევე ზაჰათი აღფრთოვანებულია "ვესტ ბრომვიჩის" ხელმძღვანელობა. ალან პარდიუმ აღნიშნა ზაჰას თამაში წინა წელს "პალასის" შემადგნელობაში. "კრისტალ პალასი" სტოკისა და კარდიფის მსგავსად, იბრძოლებს ახალგაზრდა ვინგერისათვის. რობერტო მარტინესსაც მოსწონს ინგლისელი, მაგრამ ჯერ-ჯერობით ოფიციალურად არც ერთ კლუბს არ მიუმართავს მანჩესტერელთათვის.

ზაჰა შესაძლოა წავიდეს

ხავიერ ერნანდესის მომავალი ბოლო კვირების განვმალობაში ბუნდოვანი გახდა. მას უკავშირებენ "ტოტენჰემს", "ატლეტიკოსა" და "ინტერს", მაგრამ მისმა მამამ, ედუარდომ ახსნა: "მე შევხვდი "იუნაიტედის" ხალხს 10 დღის წინ. მათ მითხრეს, რომ დაინტერესებულია რამდენიმე ძლიერი ევროპული კლუბი, მაგრამ მათ არ სურთ ერნანდესის გაყიდვა."