მომდევნო ზაფხულს სამი ხედირასთვის პრემიერლიგის ტოპ–კლუბები – "იუნაიტედი" და "არსენალი" იბრძოლებენ. ყოველ შემთხვევაში, ასე იტყობინება ინგლისური პრესა Defensacentral.com
ამ ორ კლუბს ცენტრალური ნახევარდაცვის გაძლიერება სურს და საუკეთესო კანდიდატად სამი ხედირას მიიჩნევენ. "წითელი ეშმაკები" განვლილ ზაფხულს ხედირას გადაბირებით უკვე ინტერესდებოდნენ და ახლა მზად არიან მის შესაძენად ისევ იბრძოლონ.
თავის მხრივ, "არსენალს" სურს იმით ისარგებლოს, რომ ხედირას საუკეთესო მეგობარი, მესუთ იოზილი, მათ რიგებში თამაშობს, რომელიც მანამდე "რეალის" ღირსებას იცავდა. თავად "ბლანკოსმა" შესაძლოა ამ ტრანსფერიდან 25–დან 30 მლნ. ევრომდე მიიღოს.
ხედირას "რეალთან" კონტრაქტი 2015 წლამდე აკავშირებს. ამჟამად ის მუხლის მძიმე ტრავმის გამო ვერ თამაშობს, რომელიც იტალია–გერმანიის (1:1) შეხვედრაში მიიღო.