"იუნაიტედი" პერსისა და რუნის გარეშე.
"მანჩესტერ იუნაიტედის" 3-0 გამარჯვებამ "პრემიერ ლიგაში" გასვლით მატჩზე "ასტონ ვილას" წინააღმდეგ გაზარდა დევიდ მოიესის რეპუტაცია. ეს თამაში არა მხოლოდ ოთხმატჩიანი წარუმატებლობის დასრულებით იყო მნიშვნელოვანი, არამედ იმითაც, რომ ჩვენ ვიხილეთ გოლები მათგან, ვისგანაც ნაკლებად მოველოდით. თავად დუბლის შემსრულებელს, ეს გოლები ყველაზე მეტად გაუხარდებოდა, რადგან მან არცთუ ისე კარგი სტარტი აიღო სეზონის დასაწყისში.
უელბეკის პირველი გოლი "ასტონ ვილასთან" უელბეკის მეორე გოლი "ასტონ ვილასთან" ტომ ქლევერლის გოლი "ასტონ ვილასთან"
უკვე ყველასათვის ცნობილია, რომ რობინ ვან პერსი ტრამვირებულია ერთი თვით. მოგეხსენებათ, ეს "იუნაიტედისთვის" დიდი დანაკლისია, მაგრამ ტომ ქლევერლმა და დენი უელბეკმა (განსაკუთრებით დენიმ) დაამტკიცეს, რომ მათ შეუძლიათ აანაზღაურონ ჰოლანდიელის არყოფნა და მის მაგივრად გაიტანონ გოლები. მაგრამ ეს მარტივი არ არის.
ქლევერლის მიმართ კრიტიკა მაინც არ წყდება, მაგრამ უელბეკმა თითქოს დადებითი შეფასებები დაიმსახურა ფანების და გარშემომყოფთა მხრიდან. თუმცა, ამ შემთხვევაშიც საზოგადოების აზრი ორად იყოფა, ერთი ნაწილი აღიარებს უელბეკს, ხოლო მეორე თვლის, რომ ის შეიძლება კარგია, მაგრამ მაინც არ არის "მანჩესტერ იუნაიტედის" დონის ფეხბურთელი. ყველაზე მეტად კი უელბეკს გოლების ნაკლებობის გამო აკრიტიკებენ. მაგალითად, გასულ სეზონს, მან მხოლოდ ერთი გოლი გაიტანა "ჩემპიონთა ლიგაში". გარდა ამისა, მას მხოლოდ 24 გოლი აქვს 116 მატჩში, რაც მოგეხსენებათ ფორვარდისთვის არცთუ კარგი შედეგი არ გახლავთ.
"რეალ მადრიდი"–"მანჩესტერ იუნაიტედი" 1-1 (დენი უელბეკი)
დენისგან, როგორც ფორვარდისგან მეტ გოლს მოელიან, განსაკუთრებით როცა ის თამაშობს ისეთ კლუბში, როგორიც "მანჩესტერ იუნაიტედია". მაგრამ გოლების ნაკლებობის მიზეზი ისიც შეიძლება გახდეს, რომ უელბეკი ხშირად თამაშობს არა ცენტრ-ფორვარდად (თავის პოზიციაზე), არამედ ფლანგებზე. მას კი მეტი სათამაშო დრო სჭირდება, ის რეგურალურად უნდა ჩნდებოდეს თუ მისი გაუმჯობესება გვსურს, მაგრამ აუცილებლად მის პოზიციაზე.
"თუ თქვენ უელბეკს კითხავთ, ის თავის თავს ხედავს, როგორც ფორვარდს. რა არის ფორვარდის დანიშნულება? რა უნდა მოუტანოს გუნდს მისმა თამაშმა? გოლები"-აცხადებს დევიდ მოიესი.
ეს თითქოს სწორი შენიშვნაა, მაგრამ მოიესმა შვიდი თამაშიდან ხომ მხოლოდ ორში მისცა უფლება დენის საკუთარ პოზიციაზე თამაშისა? მაგრამ მეორე მხრივ, როცა გუნდში ისეთი დონის ფეხბურთელი გყავს როგორიც ვან პერსია, დენი უელბეკისთვის სათამაშო დრო აღარ რჩება. ამიტომაც ახლა, როცა პერსის ტრამვა აქვს და არც ჩიჩარიტოა მაინცდამაინც კარგ ფორმაში, უელბეკმა თავისი შანსი უნდა გამოიყენოს და დაანახოს მოიესს მისი შესაძლებლობები. ბოლო ორი თამაშებიდან გამომდინარე, ჩვენ შეგვიძლია დავასკვნათ, რომ დენი ძალიან ბევრს შრომობს და იბრძვის. ის მზადაა ორივე ხელით მიიტაცოს ადგილი ძირითადში.
"მე ასე ვუთხარი დენის: "ყოველ დღე, დაუთმე შენს თავს დამატებით 15 წუთი. ივარჯიშე ყველა განსხვავებულ კომბინაციაზე, საჯარიმოს შიგნით, გარეთ, თავით და ვნახოთ რა გამოვა. მე დარწმუნებული ვარ, რომ ამის შემდეგ უფრო მეტ გოლს მივიღებთ შენგან."ძალიან მესიამოვნა, როცა მან დამიჯერა და გულისყურით მოეკიდა ამ საქმეს. და დამიჯერეთ და დაიმახსოვრეთ, რომ რაც დენიმ "ასტონ ვილასთან" მატჩში გაჩვენათ, ეს იყო მისი რეგურალურად ვარჯიშის შედეგი, ის ბევრს მუშაობს."-განაცხადა მოიესმა.
დევიდ მოიესი და დენი უელბეკი. მოიესი დენი უელბეკისგან მეტ მუშაობას ითხოვს. უელბეკს ყველაფერი აქვს იმისათვის, რომ იყოს ერთ-ერთი საუკეთესო თავდამსხმელი მსოფლიოში. მის ტექნიკას, რომ თავი გავანებოთ, ის ძალიან ძლიერია და გადაცემის კარგი უნარი აქვს. "ასტონ ვილასთან" მისი პასი ქლევერლისთვის იყო გასაოცარი და დენის შესაძლებლობის დამტკიცებისთვის კარგი მაგალითია. ერთი, რაც რეალური პრობლემა აქვს, არის ის თუ როგორ ასრულებს დაწყებულ საქმეს. ძალიან ხშირად ის ყოვნდება და დასარტყმელ შანსს ხელიდან უშვებს. ან ცუდად ურტყამს, ნაკლები ძალითა და არასწორი მიმართულებით. ხანდახან კი ის ყველაფერს არასწორად აკეთებს. მაგრამ მას ბევრი ვარჯიშით და მუშაობით შეუძლია შედეგის მიღება და ეს "ასტონ ვილასთან" მატჩში დამტკიცდა.
როგორც უკვე აღვნიშნეთ, უელბეკს ბოლოს და ბოლოს ეძლევა საშუალება, რომ დაამტკიცოს ნამდვილად ღირსია, თუ არა "იუნაიტედში" თამაშისა. სანამ პერსი ტრამვირებულია, სადავეები უელბეკის ხელთაა.
"ასტონ ვილა"–"მანჩესტერ იუნაიტედი" ("პრემიერ ლიგა") "მე მეტი გოლი მინდა. მე რაღაც-რაღაცები მიტრიალებს თავში და ვიმედოვნებ, რომ ბევრად მეტის გატანას შევძლებ. ეს "მანჩესტერ იუნაიტედია", ჩვენ გვინდა, რომ ყოველ თამაშში გავიდეთ სტადიონზე და მოვიგოთ. ძალიან გამაღიზიანებელია, როცა თამაშობ "პრემიერ ლიგაში" და ვერ იღებ იმ შედეგს რაც შენ გსურს. მაგრამ ჩვენ ამას გამოვასწორებთ. მე მეტი გოლი მინდა !"-განაცხადა უელბეკმა.
squawka.com