ეშლი იანგი ძალიან ნასიამოვნები დარჩა გუშინდელი "ინგლისის თასის" თამაშით "სტოუკის" წინააღმდეგ. მან პირველად მოახერხა გოლის გატანა 18 თვის შემდეგ.
იანგი გახდა ტურის მოთამაშე და მან გახსნა სწორედ ანგარიში და დააყენა მოიესის ბიჭები 2-0 გამარჯვების გზაზე, ასევე ის გუნდს დაეხმარა "ინგლისის თასის" ნახევარფინალისთვის ადგილის მოპოვებაში.
"როდესაც მე დავარტყი ბურთს, ვიგრძენი, რომ ეს გოლი აუცილებლად გავიდოდა"-განუცხადა ვინგერმა MUTV-ის თამაშის შემდგომ. "თქვენ ჩემი აღნიშვნიდან ნათლად დაინახავდით, როგორი მნიშვნელოვანი იყო ჩემთვის ამ ბურთის გატანა ამდენხნიანი პაუზის შემდეგ. მე ძალიან კმაყოფილი და ნასიამოვნები ვიყავი ჩემი გოლით, მაგრამ უფრო მნიშვნელოვანი შემდეგ ეტაპზე გადასვლა იყო."
იანგი გოლს აღნიშნავს 61’
"მე რამდენიმე ადგილას ვიყავი ხოლმე. მე მივიჩნევ, რომ ჩვენ მთელი თამაშის განმავლობაში ვფლობდით უპირატესობას და ყოველთვის ახლოს ვიყავით გოლის გატანასთან. ჩვენი ძლიერება კი ყოველ წამს ბრწყინავდა. ბიჭები საოცარნი იყვნენ - ჩვენ ის სული ვაჩვენეთ, ის ხასიათი, რომლებმაც გასულ წლებში ჩემპიონებად გაგვხადა და ვიმედოვნებ, რომ ასევე მოვიქცევით შემდეგ თამაშზე (მანჩესტერ იუნაიტედი-ვესტ ჰემი)"
წითლები ახლა "სანდერლენდს" დაუპირისპირდებიან. ნახევარფინალებში ჩატარდება ორი თამაში. პირველი თამაში იქნება 6 იანვარს გასვლაზე, ხოლო მეორე ორი კვირის შემდეგ "ოლდ ტრაფორდზე".
"ჩვენ იმითაც კმაყოფილნი დავრჩით, რომ მეორე თამაში სახლში გვექნება.ჩვენ ვიცით, რომ ეს არ იქნება მარტივი, თასის თამაშები ყოველთვის რთულია. ვიმედოვნებთ რომ, მოვახერხებთ ფინალში გასვლას."-დაამატა იანგმა.