პატრის ევრამ განაცხადა, რომ ასეთ პირობებში არასდროს უთამაშია. "წითლებს" გასვლაზე მოუწიათ თამაში, სადაც ძლიერი ქარი და სეტყვა დახვდათ. თუმცა, მან მაინც მოახერხა გოლის გატანა და სწორედ მისი გოლი დაეხმარა "მანჩესტერ იუნაიტედს" 2:0 მოგებაში "ლიგის თასზე" "სტოუკ სიტის" წინააღმდეგ.
"წითელმა ეშმაკუნებმა" წარმატებით გაიარეს მეოთხედ-ფინალი და მოიპოვეს საგზური ნახევარფინალისთვის, სადაც "სანდერლენდს" დაუპირისპირდებიან იანვარში.
ევრამ გოლის გაიტანა თამაშის დასრულებამდე 12 წუთით ადრე. ეს გოლი მნიშვნელოვანი და უნიკალური იყო თავად ფრანგისთვის, რადგან მან ეს ყველაფერი მოახერდა მისთვის ნაკლებად გამოყენებადი-მარჯვენა ფეხით. მაგრამ წითლების მცველს ახლაც ვერ გაურკვევია რამ გააოცა ყველაზე მეტად: მისმა მარჯვენა ფეხით დარტყმულმა, თუ ამინდმა.
წითლები პატრის ევრას გოლს აღნიშნავენ (78’)
"მე ასეთ პირობებში არასდროს არ მითამაშია"-განუცხადა ევრამ MUTV-ის. "ეს ძალიან რთული იყო და ამიტომაც ჩვენ ერთმანეთს დიდი მადლობა უნდა გადავუხადოთ გუშინდელი სანახაობისთვის, რადგან არ არის მარტივი ითამაშო გასვლაზე "სტოუკთან"-ეს დიდი ბრძოლაა. საერთო ჯამში, მე კმაყოფილი ვარ და ვფიქრობ, რომ კარგი სანახაობდა ვაჩვენეთ, რადგან ჩვენ მოვახერხეთ ორი გოლის გატანა და სუფთადაც შევინახეთ კარი."
მსაჯმა უამინდობის გამო თამაში შეაჩერა.
"რაც შეეხება ამინდს, ის ძალიან მძიმე იყო და მატჩი კიდევ უფრო რთული გახადა. თამაშის განახლების შემდეგ, როდესაც ჩვენ კვლავ დავუბრუნდით სტადიონს, ჩვენ ცოტათი სველები ვიყავით, მოიედნის საფარიც სველი იყო და მაინცდამაინც კარგი სანახაობა ვერ ვაჩვენეთ პირველ ტაიმში, ამიტომაც უნდოდა მენეჯერს, რომ მეორე ტაიმი უკეთ დაგვეწყო. როცა წვიმამ და სეტყვამ გადაიღო, ჩვენ გავაგრძელეთ ჩვენი ფეხბურთის თამაში და ეს ძალიან მნიშვნელოვანი იყო. ჩვენ მოედანზე ბურთს უკვე მშვიდად ვათამაშებდით. ამან გამოიწვია განსხვავება"-დაასრულა ფრანგმა.