მანჩესტერ "იუნაიტედი" დიდ ინტერესს გამოხატავს ახალგაზრდა, ძალიან ნიჭიერი ბულგარელი მცველის, სტეფან ველკოვის მიმართ. ველკოვი, რომელიც 17 წლის წინა ხუთშაბათს გახდა, უკვე კარინგტონზეა და ვარჯიშობს "იუნაიტედის" 21 წლამდელთა გუნდში. თუ იმედი გამართლდება ფეხბურთელი გააფორმებს კონტრაქტს მანჩესტერთან. "წითლებს" კონკურენციას ველკოვის შეძენისთვის უწევდნენ "იუვენტუსი" და "მილანი". ისინი აქტიურად ცდილობდნენ 190 სანტიმეტრი სიმაღლის მცველის შეძენას. მიმდინარე სეზონის პირველი მატჩები სტეფანმა თავის ამჟამინდელ კლუბში, "სლავია სოფიაში" ჩაატარა, ასევე ის უკვე გამოძახებული იყო ბულგარეთის ეროვნულ ნაკრებში.

ველკოვი ცენტრალური მცველია, რომლის პლიუსი მეორე სართულზე ბრძოლაა. ის თამაშობდა ბულგარეთის 16 წლამდელთა გუნდშიც, ბოლოს კი იყო 21 წლამდელთა გუნდში, სადაც 5 მატჩში 1 გოლის გატანა შეძლო. "იუნაიტედი" ისევ აგრძელებს თავის მთავარ მიზანს- დაიმატოს რაც შეიძლება მეტი ახალგაზრდა, ნიჭიერი მოთამაშე. მანჩესტერელთა სკაუტები ასევე იმყოფებოდნენ მაროკოში, სადაც მათ ნახეს რამდენიმე მოთამაშე მსოფლიო თასის შეხვედრებში 17 წლამდელთა შორის. ასევე დევიდ მოიესის დავთარში კიდევ ერთი ფეხბურთელი გაჩდა. ეს არის მაროკოელი "რომას" ცენტრალური მცველი, მეჰდი ბენატია. 26 წლის ფრანგული წარმოშობის ფეხბურთელი სამირ ნასრის კარგი მეგობარია. ის წინა ზაფხულში "უდინეზედან" "რომაში" 12 მილიონ ფუნტად გადავიდა.

ამასობაში "უიგანი" ცდილობს დაიმატოს "სანდერლენდელი" კონორ ვიკჰემი. დიდი ალბათობით ნიკ პაუელი შობის შემდეგ, უკან, "იუნაიტედში" დაბრუნდება. სწორედ მის შესაცვლელად იყიდის "უიგანი" ვიკჰემს. იუვ როსლერმა უკვე ისაუბრა მიმდინარე მოვლენების შესახებ. დევიდ მოიესსა და პაუელს სურთ ფეხბურთელი უფრო მაღალ ეტაპზე გადავიდეს და ითამაშოს პრემიერ ლიგაში. ნიკი სურთ "კარდიფსა" და "კრისტალ პალასს".