ოლიმპიაკოსის მთავარი მწვრთნელის განცხადებით, მას და მის შეგირდებს არ აშინებთ ის, რომ მათი მოწინააღმდეგე ჩემპიონთა ლიგის 1/8ფინალში მანჩესტერ იუნაიტედია.

"ჩვენთვის ეს დღესასწაული იქნება. განსაკუთრებით იმიტომ, რომ ჩვენ ლეგენდარულ სტადიონზე "ოლდ ტრაფორდზე" მოგვიწევს თამაში. მანჩესტერ იუნაიტედი დიდი კლუბია, შესანიშნავი ფეხბურთელებით და მწვრთნელით, მაგრამ ჩვენ არ გვეშინია. წინ ორი მძიმე მატჩი გველის. რა თქმა უნდა ფავორიტი მანჩესტერ იუნაიტედია, მაგრამ ჩვენ ვეცდებით ყველაფერი გავაკეთოთ სასურველი შედეგის მისაღწევად. ჩვენ ბოლომდე ვიბრძოლებთ."-მიჩელის სიტყვებს " УЕФА"-ს საიტი ციტირებს.