ტომ ლორენსმა მოახერხა ორი შესანიშნავი გოლის გატანა "კარლაილის" შემადგენლობაში, ამ ორიდან ერთი კი თავისუფლად შეგვიძლია ჩავთვალოთ "ლიგა ერთის" სეზონის საუკეთესო გოლად. მატჩი "კარლაილის" სასარგებლოდ, 4-1 დამთავრდა.

ლორენსმა პირველი გოლის გატანა მოახერხა 25 იარდიდან გასროლის შემდეგ, მეორე გოლი კი "კარლაილის" ოფიციალურმა საიტმა ასე აღწერა: "66-ე წუთზე ხალხი გაოგნებული უყურებდა საუკეთესო გოლს, რომელიც მათ ოდესმე უნდახავთ".

19 წლის ფორვარდმა კარიდან 40 იარდის დაშორებით მიიღო ბურთი, 4 ფეხბურთელს გაცდა და ბურთი მარჯვენა კუთხეში გაგზავნა. მან ნამდვილად შესანაშნავი გოლებით დაიწყო პროფესიონალური კარიერა.

თუმცა, ამ გოლის შემდეგ ლორენსი უცებვე შეცვალეს, "იუნაიტედის" კიდევ ერთმა ფეხბურთელმა, ბენ ემოსმა კი 90 წუთი დაჰყო მოედანზე.

ლორენსი არ აღმოჩნდა ბოლო ახალგაზრდა "წითელი" რომელმაც შაბათს გოლი გაიტანა. "იუნაიტედის" მცველმა მარნიკ ვერმილმა მოახერხა ერთი გოლის გატანა "ნიემეგენის" შემადგენლობაში, რომელიც მისი გუნდის გამარჯვებით 4-3 დამთავრდა, ეს უკვე მისი მეორე გოლია ამ სეზონში.

ასევე, ჯესი ლინგარდმა გააკეთა ერთი ასისტი "ბირმინგემის" შემადგენლობაში. მიკლ კინს (დერბი ქაუნთი) და ტაილერ ბლაკეტს (ბლექპული) არ მიეცათ თავის გამოჩენის საშუალება. ხოლო რაიან ტანიკლიფმა 90 წუთი ითამაშა "იპსვიჩის" შემადგენლობაში, თამაში უგოლოდ დამთავრდა. რაც შეეხება ფედერიკო მაკედას, იტალიელმა 82 წუთი ითამაშა, მისი გუნდი კი დამარცხდა "ლიდს იუნაიტედთან".




წყარო: ManUtd.com