"მანჩესტერ იუნაიტედის" მწვრთნელმა, დევიდ მოიესმა განაცხადა, რომ მაიკლ კერიკი ძალიან ახლოსაა პირველ გუნდში დაბრუნებასთან.
კერიკს არ უთამაშია ნოემბრის მერე, მას შემდეგ რაც მან მიიღო ახილის ტრავმა. თუმცა ბოსი ადასტურებს, რომ ინგლისელი ნახევარმცველი უკვე ვარჯიშობს მცირე დატვირთვით.
"მაიკლ კერიკის მდგომარეობა გაუმჯობესდა და მან უკვე დაიწყო მსუბუქი ვარჯიში მოედანზე." - განაცხადა მოიესმა ჟურნალისტებთან, წინა-სამატჩო პრესკონფერენციაზე.
"ალბათ ეს პროცედურები კიდევ ორ კვირას გასტანს, პლიუს-მინუს რამდენიმე დღე."
"ჩვენი იმედი გვგაქვს, რომ ის შობამდე დაგვიბრუნდება, თუმცა ჯერ მას არ შეუძლია თამაში." - დაამატა შოტლანდიელმა. "მას ისეთი ტრავმა აქვს, რომელიც პირველ ეტაპზე ხელს შეუშლის ბევრი თამაშის ჩატარებაში. ამ ტრავმას დიდი მოფრთხილება უნდა."
მენეჯერმა ასევე ისაუბრა მაიკლ კერიკის როლზე კლუბში და განაცხადა, რომ ის ძალიან მნიშვნელოვანი ფიგურაა გუნდში. თუმცა მოიესს სჯერა, რომ "იუნაიტედს" მის გარეშეც შეუძლია თამაშების მოგება.
"მაიკლ კერიკი ძალიან მნიშვნელოვანი ფეხბურთელია, ნახევარდაცვის ცენტრში. ამიტომ მისი დაკარგვა დიდი პრობლემაა."
"თუმცა, ჩვენ გვყავს საკმარისად ძლიერი შემადგენლობა იმისათვის, რომ ამას გავუმკლავდეთ." - განაგრძო მოიესმა. "ერთი რამ, რაც აქ მოსვლის დღეს ვთქვი არის, რომ მე შანსს მივცემდი ყველას, იმისათვის რომ ეჩვენებინათ საკუთარი შესაძლებლობები. მათ ჰყავთ ახალი მწვრთნელი და მათ საშუალება ექნებათ დამანახონ მე, თუ რა შეუძლიათ."
"ისინი არიან გამარჯვებულები და მიჩვეულები არიან გამარჯვებას. შემიძლია მხოლოდ ის გითხრათ რასაც ვხედავ. ისინი მთელი ძალებით ცდილობენ ამის გაკეთებას."