პიტერ შმეიხელი ფიქრობს, რომ "მანჩესტერ იუნაიტედის" რამდენიმე ფეხბურთელს საერთოდ არ ანაღვლებს გუნდი და მოიესს მოუწოდა, რომ სერიოზული წმენდა ჩაატაროს გუნდში იანვრის პერიოდში.

"იუნაიტედი" მეცხრე ადგილზე იმყოფება "პრემიერ ლიგაში", მას შემდეგ რაც ორჯერ დამარცხდა საკუთარ კედლებში "ნიუკასლის" და "ევერტონის" წინააღმდეგ. ლეგენდარულმა მეკარემ კი მოიესს ურჩია ეფიქრა იანვარში გუნდის გასუფთავებაზე.

Sportsmail-თან საუბარში დიდმა დანიელმა განაცხადა: "მე მგონია, რომ მან ზოგ ფეხბურთელს უნდა დაატოვებინოს გუნდი. კლუბში არის რამდენიმე ფეხბურთელი, რომელიც არანაირ სამუშაოს არ აკეთებს გუნდის სასარგებლოდ."

"მანჩესტერ იუნაიტედის ფეხბურთელად ყოფნა მოითხოვს გარკვეულ სათამაშო დონეს, მენტალიტეტს და შენ უნდა ამაყობდე, რომ ასეთი გუნდის ნაწილი ხარ. მე ვხედავ 5-6 ფეხბურთელს, რომელთაც უბრალოდ არ აინტერესებს "იუნაიტედი", ამ გუნდს არასდროს ჰყოლია ასეთი ფეხბურთელები. შენ უნდა გაღელვებდეს შენი გუნდის ბედი."

"ეს ძალიან მარტივია. ყველა ამას ამბობს. მოდი ვთვათ, რომ გუნდს ჰყავს 560 მილიონი გულშემატკივარი. თუ შენ დასახელებული ხარ პირველ თერთმეტეულში, შენ იღებ 560 მილიონი ადამიანის ბედნიერად ყოფნის პასუხისმგებლობას. ეს ძალიან დიდი რიცხვია. ასევე ყოველდღე "ოლდ ტრაფორდზე" 75000 ადამიანი მოდის შენი თამაშის სანახავად."

"სწორედ ეს არის რაც უნდა გესმოდეს როცა "მანჩესტერ იუნაიტედის" ფეხბურთელი ხარ - ეს უდიდესი პასუხისმგებლობაა, რომელიც მოედანზე ყოფნისას უნდა გქონდეს. ზოგ ფეხბურთელს ეტყობა, რომ არ ანაღვლებს ეს და ისინი არ იმსახურებენ "მანჩესტერ იუნაიტედის" მაისურის ტარებას."

"მე ვფიქრობ, რომ დევიდ მოიესი მიხვდა ამ ყველაფერს და ის რამდენიმე ფეხბურთელს გაუშვებს გუნდიდან, ამან შეიძლება იმაზე მეტი გავლენა იქონიოს, ვიდრე ახალი ფეხბურთელების მოსვლამ."

ბევრი გულშემატკივარი ფიქრობს, რომ "იუნაიტედის" პრობლემები, მათმა სატრანსფერო პასიურობამ გამოიწვია, რადგან მათ ვერ მოახერხეს ვერცერთი ფეხბურთელი ყიდვა, მარუან ფელაინის გარდა. რომელმაც ჯერ კიდევ ვერ შეძლო თავისი შესაძლებლობების დამტკიცება.

ხოლო შმეიხელი, რომელმაც "იუნაიტედთან" ერთად თითქმის ყველა საკლუბო ტურნირი მოიგო, თვლის რომ მოიესმა უნდა გამოიყენოს კლუბის შემადგენლობაში მყოფი ფეხბურთელები და გააგრძელოს ტრადიცია, რომელიც სერ ალექს ფერგიუსონმა მამკვიდრეობით დაუტოვა გუნდს.

"მოიესმა უნდა მიმოიხედოს გასახდელში და შეხედოს ფეხბურთელებს, რომელიც მან გაიფორმა, არა ფეხბურთელებს, რომელიც წინა მწვრთნელმა შეიძინა. მაგრამ რა აზრი აქვს ფეხბურთელების ყიდვას, თუ ისინი იმაზე უკეთესები არ არიან, რომლებიც გყავს და ვერ შეძლებენ გუნდის გაძლიერებას?"

"მე ვიცი, რომ ძალიან ცუდია "იუნაიტედის" ამჟამინდელი მდგომარეობა, თუმცა იანვარში იშვიათად ჩნდება გუნდისთვის საჭირო ფეხბურთელები."

"ეს ძალიან სარისკო საქმეა. შენ არ უნდა გადაიხადო 50 მილიონი ფეხბურთელში, რომელიც საშუალოზე ძლიერია. ვიცი რომ არის რამდენიმე ვარიანტი, მაგრამ მე ამას არ ვეთანხმები. მე ვფიქრობ ჩვენ უკეთესები ვართ."

"მე მირჩევნია შანსი მივცე დევიდ მოიესს, რათა ააშენოს ძლიერი გუნდი და მივიღო ის ფაქტი, რომ ჩვენ მეცხრე პოზიციაზე ვართ. არ არის საჭირო პანიკა და სიტუაციის ახალი ფეხბურთელების ყიდვით გამოსწორება, ამას დრო გვიჩვენებს."

წყარო: DailyMail