Daily Mail იუწყება, რომ ოთხშაბათ საღამოს დევიდ მოიესი მადრიდში, "ატლეტიკოს" მატჩს ესწრებოდა. ამავე გამოცემაზე დაყრდნობით, შეგვიძლია ვთქვათ, რომ შოტლანდიელი კოკეს აკვირდებოდა. მის ყიდვას "იუნაიტედი" ზამთრის სატრანსფერო ფანჯრის დროს ეცდება. "პატარა ჩავის" კონტრაქტში არის პუნქტი, რომლის მიხედვითაც ფეხბურთელის გამოსასყიდი ფასი 16 მილიონ ფუნტს შეადგენს. სრულებით შესაძლებელია, რომ დევიდ სწორედ ამ ფაქტს გამოიყენებს.

როდესაც თავად ფეხბურთელს კითხეს იმის შესახებ, თუ რას ფიქრობდა "იუნაიტედის" დაინტერესების შესახებ, მან თქვა:"მე არაფერი ვიცი ამის შესახებ. ჯერ მხოლოდ "ატლეტიკოზე" ვფიქრობ და არამგონია, მსოფლიოში ამაზე უკეთესი ადგილი არსებობდეს".