ნახევარმცველები- "იუნაიტედისთვის" ეს მტკივნეული თემაა. სწორედ ამიტომ, დევიდ მოიესი განიხილავს არაერთ ფეხბურთელს, რომლებსაც შეუძლიათ გუნდი გააძლიერონ. მათ შორის ერთ-ერთი 27 წლის "ინტერის" კოლუმბიელი ნახევარმცველი, გუარინია. ის უკვე დიდი ხანია, რაც შოტლანდიელის რადარზე გამოჩნდა. წინა ოთხშაბათის საღამოს, მანჩესტერის ახალი მწვრთნელი იმყოფებოდა ესპანეთში, სადაც უყურა მადრიდის "ატლეტიკოს" თამაშს "პორტუს" წინააღმდეგ. თუ მივენდობით გარკვეულ წყაროებს, შოტლანდიელი ფეხბურთის ესპანელ ამომავალ ვარსკვლავს, კოკეს აკვირდებოდა.
სხვები კი ამბობენ, რომ ის არ შედის "იუნაიტედის" გეგმებში და დევიდი მადრიდში პორტუგალიელთა მცველზე, მანგალაზე დასაკვირვებლად ჩავიდა. ასევე გავრცელდა ხმები, თითქოს დევიდ მოიესი ლუჩო გონსალესს აკვირდებოდა. არც ეს არის გამორიცხული- ის ორჯერ ცდილობდა ფეხბურთელის ყიდვას, როდესაც "ევერტონის" მთავარი მწვრთნელის პოსტი ეკავა.