მოიესი კოკეს თამაშს დაესწრო ესპანეთში, მაგრამ კოკეს სახლის დატოვება არ სურს.
„მანჩესტერ იუნაიტედის“ თავკაცი დავიდ მოიესი ოთხშაბათს დაესწრო მატჩს „ატლეტიკო“–„პორტო“ და “Daily Mail”–ის განცხადებით, ის აკვირდებოდა „ატლეტიკოს“ ნახევარმცველ–კოკეს, რომელსაც "ახალი ჩავიც" კი უწოდეს.
მოიესს მტკიცედ აქვს გადაწყვეტილი შემატოს გუნდს მეტი კრეატიულობა იანვარში და მისი მთავარი სამიზნე ამ საქმისთვის კოკეა, რომელიც სასიცოცხლო ნაწილს წარმოადგენს „ატლეტიკოსათვის“. „ატლეტიკო“ საკმაოდ კარგ ფორმაში იმყოფება და დიდ პრობლემებსაც უქმნის „რეალსა“ და „ბარსელონას“ „ლა ლიგის“ ტიტულისათვის ბრძოლაში.
კოკემ ხელი მოაწერა ახალ ხუთ–წლიან კონტრაქტს „ატლეტიკოსთან“ სექტემბერში. ამიტომაც, თუ „მანჩესტერს“ მისი შეძენა სურს, დამატებითი თანხის გადახდაც მოუწევს. როგორც „Daily Mail“ იტყობინება თანხა იტრიალებს £30 მილიონის გარშემო.
კოკე სერ ალექს ფერგიუსონის სამიზნეც გახლდათ წინა სეზონში და დღეს მოიესი მზად არის შეიძინოს 21 წლის ნახევარმცველი.
თუმცა „იუნაიტედს“ ძალიან გაუჭირდება კოკეს გადმობირება იანვარში, რადგან სანამ „მანჩესტერი“ ცხრილის შუაშია მოქცეული და ჩამორჩება ამჟამინდელი „პრემიერ ლიგის“ ლიდერს „არსენალს“ 13 ქულით, „ატლეტიკოს“ მეორე ადგილი უჭირავს „ლა ლიგაში“ „ბარსას“ შემდეგ.
„ატლეტიკომ“ კარგად იასპარეზა „ჩემპიონთა ლიგაზე“ და 18 ქულიდან 16–ის მოპოვება შეძლო.
გარდა ამისა, „ატლეტიკოს“ მწრთვნელ დიეგოსთვისაც, რთული იქნება კოკეს დათმობა, რომელიც საკმაოდ მნიშვნელოვანი და გავლენიანი ფიგურა გახდა გუნდისთვის.
მოიესს დიდი ცვლილებები სჭირდება "იუნაიტედში" და იბრძვის კიდევაც ამისთვის. ყველაზე დიდი და საჭირო ცვლილება სუსტი ნახევარდაცვის გაძლიერებაა. ერთ–ერთი სამიზნე კი კოკეა.
როცა კოკეს ჰკითხეს მოიესის დასწრებაზე ესპანეთში ოთხშაბათს საღამოს, ესპანელმა ასეთი პასუხი გასცა:
„მე არაფერი არ მსმენია ამის შესახებ. მე ძალიან კარგად ვგრძნობ თავს „ატლეტიკოში“ ყოფნით. მე განვაახლე კონტრაქტი ცოტა ხნის წინ და მე ძალიან ბედნიერი ვარ. ეს ჩემი სახლია და მე ვფიქრობ, ამაზე უკეთესი ადგილი არ არსებობს.“კოკე, რომლითაც „იუნაიტედის“ გარდა დაინტერესდა „ლივერპული“ და „მილანი“, მოსალოდნელია, რომ გაემგზავრება ბრაზილიაში მსოფლიო ჩემპიონატისთვის.
DailyMail.co.uk