დავიდ მოიესი გახარებულია იმ ფაქტით,რომ მანჩესტერ იუნაიტედმა ჩემპიონთა ლიგის ჯგუფური ეტაპი პირველ ადგილზე დაასრულა.გუშინ „წითელმა ეშმაკებმა“ ოლდ ტრაფორდზე დონეცკის შახტარი მინიმალური ანგარიშით დაამარცხეს და ზედიზედ ორჯერ წაგების შემდეგ სახლში,გამარჯვება მოიპოვეს.ერთადერთი გოლის ავტორი კი ინგლისელი ახალგაზრდა მცველი,რომელიც გუშინ ნახევარდაცვაში თამაშობდა,ფილ ჯონსი გახდა.ასევე აღსანიშნავია ის ფაქტიც,რომ იუნაიტედმა ჯგუფური ეტაპი წაუგებლად იასპარეზა.

„არ აქვს მნიშვნელობა როგორი შედეგი გვქონდა,მთავარია გავიმარჯვეთ და ჯგუფში პირველი ადგილი დავიკავეთ“-განაცხადა დევიდ მოიესმა Sky Sports-თან ინტერვიუში.

„როდესაც შენ ტოპ კლუბი გქვია,მაშინ შენი მიზანია ჯგუფში პირველი ადგილი დაიკავო.ჩვენ გვქონდა სოსიედადთან მატჩი,სადაც უნდა მოგვეგო,მაგრამ ფრე ვითამაშე.ასეთებიც ხდება“

„მეორეს მხრივ დასანანია,რომ ჩემპიონთა ლიგის მიღმა დარჩა ისეთი კლუბი,როგორიც დონეცკის შახტარია,როგორც ვხედავთ მათ ძალიან კარგი ფეხბურთელები ჰყავთ,მათ შორის ბევრი ახალგაზრდა და ნიჭიერი ბრაზილიელი ფეხბურთელი“

„ჩვენ ვერ ვაჩვენეთ ის თამაში,როგორსაც მაყურებელი ელოდებოდა.თავიდანვე ვერ ჩავიგდეთ მატჩის სადავეები ხელთ,მაგრამ საბედნიეროდ მატჩი ჩვენს სასარგებლოდ დასრულდა და გოლის შემდეგ უფრო დავეუფლეთ ბურთს და ვაკონტროლებდით.“

„არ ვიცი ეს რისი ბრალია,მაგრამ ჩვენ აუცილებლად უნდა ვითამაშოთ უკეთესად.საჭიროა უფრო მეტი ბურთის კონტროლი და ზუსტი გადაცემების შესრულება“-დაასრულა შოტლანდიელმა

წყარო:Sky Sports