არის თუ არა მოიესი ღირსეული მისი თანამდებობისთვის და მისი სიტყვების კავშირი ფერგისთან.
დაახლოებით, ერთი კვირის წინ, დავიდ მოიესმა გააკეთა ასეთი განცხადება:
„ის თუ ვინ უნდა იყოს ცხრილის თავში თავისით დალაგდება“მაგრამ „იუნაიტედის“ ფანების მოთმინების ფიალა ნელ–ნელა უკვე იწურება. შეიძლება „მანჩესტერი“ ყოველწლიურად ვერ ამთავრებდა ჩემპიონატებს პირველ ადგილზე ყოფნით, მაგრამ ასეა თუ ისეა, ისინი ამისთვის ძალიან ბევრს მუშაობდნენ. და დღევანდელ დღეს, სანამ მოიესი დაკავებულია რეკორდების მოხსნით, მის ფონზე უფრო და უფრო გვენატრება სერ ალექსი, რომელიც 26 წლის განმავლობაში ედგა წითელ არმიას სათავეში და „მანჩესტერულ“ სამყაროს შეუძლებელ ოცნებებს რეალობად უხდიდა. თუ მოვახდენთ შედარებას, კიდევ ერთხელ დავინახავთ როგორმა საოცრებამ დატოვა საფეხბურთო სამყარო.
ფერგიმ ეს ბიჭები ჩემპიონებად აქცია. მოიესისგან კი ჯერ კიდევ არ სჩანს ასეთი საოცრებები და ასეთი მუშაობა. ნუთუ ზემოთხსენებული სიტყვებით მას იმის თქმა უნდა, რომ ფერგიმ არაფრის კეთებით მიაღწია ამ ყველაფერს და წინა სეზონებშიც ჩემპიონები უბრალოდ გახდნენ? თუ ეს მართლაც ასეა, მოიესისგან დიდ შეურაცხყოფად შეიძლება ჩაითვალოს ეს ფრაზა, რადგან ფერგი ამბობდა:
„ჩვენ ოფლად და სისხლად გვდის წარმატება“.„მანჩესტერმა“ ფელაინისთვის £28 მილიონი გადაიხადა გასულ ზაფხულს. მაგრამ რა? მაშინაც კი როცა ქერიკს ტრამვა ჰქონდა ვერ მოახერხა მარუანმა ადგილის მოპოვება სკამზეც კი. მოიესს ხომ ასე ძალიან სჭირდებოდა ჩემპიონობისთვის ის, ხომ ასე ძალიან უნდოდა მისი შეძენა, მაშინ რატომ ვერ მოუტანა მან გუნდს სარგებელი და რატომ არ არის ისეთი კარგი როგორსაც ჩვენ ყველა მოველოდით? მაგრამ ჯერ კიდევ დრო წინაა და რამდენიმე ხანში გავიგებთ რა ვუწოდოთ ფელაინის ტრანსფერს, კრახი, თუ წარმატება.
მოიესით არამარტო მრავალი ფანი, არამედ თავად მოთამაშეებიც უკმაყოფილონი არიან. რიო ფერდინანდი საკმაოდ თამამად და ღიად აკრიტიკებს მოიესის პოლიტიკას, რადგან ის ვერ მოხვდა ძირითად შემადგენლობაში. ფერდინანდის კრიტიკა შეიძლება ძალიან გულწრფელია და გარკვეულწილად შეგვიძლია სამართლიანიც ვუწოდოთ, მაგრამ ეს ნამდვილად არ არის ის რაც მოიესს ამ ეტაპზე სჭირდება.
მოიესს აწყობილი გუნდი, ჩემპიონები ჩააბარეს. კიდევ რა სჭირდება მას? მას სჭირდება მთავარი–გვერდში დგომა. გაიხსენეთ ფერგის, როგორც „მანჩესტერ იუნაიტედის“ მთავარი მწრთვნელის ბოლო სიტყვები მოედანზე:
„თქვენი საქმე ახლა არის ახალი მენეჯერის გვერდში დგომა, მხარდაჭერა და ეს მნიშვნელოვანია“.ბევრის აზრით, თუ გუნდის ხელმძღვანელობა უფრო ჭკვიანურ გადაწყვეტილებას მიიღებდა და აირჩევდა მენეჯერად არა ფერგის მეგობარს, არამედ ვინმეს უფრო ღირსეულს, „მანჩესტერი“ დღეს ამ დღეში არ იქნებოდა. მაგრამ მეორე ნაწილი სხვაგვარად ფიქრობს. მათი აზრით, სხვა რომ ყველაფერს თავი დავანებოთ მოიესს იმიტომ უნდა დავუდგეთ გვერდში, რომ ის ფერგის არჩეულია.
რატომ ფიქრობენ რომ მოიესი არაა ის ვინც ჩვენ დღეს გვჭირდება? მოიესმა, როგორც „ევერტონის“ მწრთვნელმა მეოთხედ–ფინალი წააგო „უიგანთან“, ასევე ძალიან ცუდი ფეხბურთი ითამაშა ლონდონის „არსენალთან“, რომელსაც „ანტი–ფეხბურთიც“ კი უწოდეს და ეს ყველაფერი საკმარისი აღმოჩნა კრიტიკოსებისთვის. ისინი ფიქრობენ, რომ „მანჩესტერის“ მწრთვნელი გამარჯვებისთვის დაბადებული ადამიანი უნდა იყოს, მოიესი კი, ნამდვილად არ არის ასეთი.
ყველაფერი მთლად რიგზე ვერ არის „იუნაიტედში“. მრავალი ფანი მზადაა ყოველგვარი ცვილებებისთვის გუნდში და მათ ესმით კიდევაც მოიესის, მაგრამ არ უნდა დაავიწყდეს დავიდს, რომ ამ ცვლილებებმა „მანჩესტერს“ ჩემპიონობისკენ მიმავალი გზიდან არ უნდა გადაახვევინოს.
და ბოლოს, “Daily Mail”–ის გზავნილი მოიესს:
„ცხრილი თავისით არ დალაგდება და „მანჩესტერი“ თავისით ვერ გახდება ჩემპიონი. შენ ეს უნდა მოახდინო, როგორც ეს გააკეთა ფერგიმ“. DailyMail.co.uk