რაფაელი ფიქრობს, რომ "მანჩესტერ იუნაიტედი" აუცილებლად უნდა დაუბრუნდეს გამარჯვების გზას და ეს დღეს, "შახტართან" მატჩში უნდა დაიწყოს.

"წითლებს" კარგი ადგილი უკავიათ "A ჯგუფში", ისინი ჯერ კიდევ ახერხებენ "ჩემპიონთა ლიგის" დაუმარცხებლად გავლას, თუმცა საპირისპირო სიტუაციაა "პრემიერ ლიგაში", სადაც გუნდმა მიყოლებით ორი საშინაო მატჩი წააგო.

მიუხედავად იმისა, რომ ეს მატჩი "დონეცკისთვის" საციცოცხლო მნიშვნელობისაა, ბრაზილელი მცველი ფიქრობს, რომ "იუნაიტედმა" აუცილებლად უნდა მოახერხოს უკრაინელების დამარცხება.

"ძალიან მნიშვნელოვანია, რომ "ოლდ ტრაფორდზე" მოგებებს დავუბრუნდეთ" - განუცხადა რაფაელმა MUTV-ს. "ეს ჩვენი სახლია და ვალდებულები ვართ კარგად ვითამაშოთ გულშემატკივრებისთვის. ჩვენ ეს უნდა გავაკეთოთ სამშაბათს."

"რა თქმა უნდა, ყველა იმედგაცრუებეულია ბოლო შედეგებით და ჩვენი თამაშით. ახლა ჩვენ უნდა დავუბრუნდეთ კარგ ფორმას და დავიწყოთ მოგებები."

"ძალიან მნიშვნელოვანია ჯგუფში პირველ ადგილზე გასვლა. ჩვენ ცოტათი არ გაგვიმართლა გასულ სეზონში, როდესაც "რეალ მადრიდს" დავუწყვილდით, მაგრამ ყოველთვის აუცილებელი ჯგუფში პირველი ადგილის დაკავება. "ჩემპიონთა ლიგა" ძალიან მნიშვნელოვანია. მოსვლის დღიდან ვხვდები, რომ ეს ძალიან მნიშვნელოვანი ტურნირია ბრაზილიელებისთვის."

წყარო: ManUtd.com