ალბათ, ნებისმიერი ადამიანი, რომელსაც ერთხელ მაინც აქვს „მანჩესტერ იუნაიტედის“ თამაში ნაყურები, იცის, რომ მთავარ მწვრთნელად გუნდს წლების მანძილზე სერ ალექს ფერგიუსონი ჰყავდა. თავის ლეგენდარული კარიერის მანძილზე შოტლანდიელმა სულ 48 ტიტული მოიგო:10 „აბერდინთან“ და 38 „მანჩესტერ იუნაიტედთან“. შეგახსენებთ, რომ „წითლებს“ იგი 27 წელიწადი წვრთნიდა.



მაგრამ, 2013 წლის 8 მაისს მოხდა ის, რისიც არა მარტო „მანჩესტერის“ გულშემატკივარს ეშინოდა. ფერგიუსონმა განაცხადა, რომ სეზონის დასრულების შედეგ იგი დაასრულებდა სამწვრთნელო კარიერას. ორი კვირით ადრე, სანამ ეს შოკისმომღვრელი ინფორმაცია ნამდვილად დადასტურდებოდა, ინგლისის პრესა ავრცელებდა, რომ ფერგიუსონი კარიერას ასრულებდა, მაგრამ ამას არავინ იჯერებდა და მხოლოდ ჭორი ეგონათ. ასე თუ ისე, ხალხი შეეგუა იმ ფაქტს, რომ ფერგიუსონის ეპოქა დასასრულს მიუახლოვდა და გულშემატკივრება ფიქრი დაიწყეს იმაზე, თუ ვინ შეცვლიდა ლეგენდარულ შოტლანდიელს. არა ერთი გვარი იყო ნახსენები:ჟოზე მაურინიო, რომელიც ყოველთვის კარგად საუბრობდა „მანჩესტერზე“, იურგენ კლოპი, რომელმაც ბორუსიის „დორტმუნდი“ მაღალ დონეზე გაიყვანა, დევიდ მოიესი, რომელმაც შეძლო „ევერტონისგან“ არაჩვეულებრივი გუნდი ჩამოეყალიბებინა. საბოლოოდ, „მანჩესტერის“ ხელმძღვანელობამ დევიდ მოიესი არჩია. ერთ-ერთი არგუმენტი იმისა, თუ რატომ მოიესი იყო ის, რომ იგი თვით ფერგიუსონმა ურჩია გუნდს. პლუს, დევიდ მოიესს კონტრაკტი ეწურებოდა „ევერტონთან“ ეს კი, იმას ნიშნავდა, რომ გუნდისთვის ცალკე არ იქნებოდა გადასახდელი თანხა იმისთვის, რომ კონტრაკტი გაწყვიტა მწვრთნელთან.



ემოციები გულშემატკივრებს სხვადასხვა ჰქონდათ. ნაწილი დადებითად შეხვდა მის მოსვლას, ნაწილი კი აკრიტიკებდა ხელმძღვანელობას:“რატომ არა მაურინიო? რატომ არა გვარდიოლა?“ თუმცა, გუნდმა ახალ მწვრთნელთან 6 წლიან კონტრაკტს მოაწერა ხელი და განაცხადა, რომ ხელმძღვანელობა მას ენდობა.

ბევრს ეშინოდა, რომ ამ კაცს არ ჰქონდა გამოცდილება თუ როგორ ემუშავა მაღალ გუნდთან. ბევრს ეგონა, რომ იგი „მოკლავდა“ გუნდს. თუმდა, პირველივე შეხვედრა დევიდ მოიესმა ინგლისის სუპერთასზე მოიგო „უიგანთან“ ანგარიშით 2:0. დიახ, ეს ის გუნდი არ არის, რომელიც „მანჩესტერ სიტის“ უგებდა და დიახ, ეს გუნდი პრემიერლიგაში აღარ თამაშობს, მაგრამ სამაგიეროდ მოიესმა პირველი ტიტული აქვს.

შემდეგ იწყებოდა ყველაფერი საინტერესო მოიესისთვის:საჭირო იყო ტრანსფერები. სპეციალისტები ორ ნაწილად გაიყვნენ, ერთი ნაწილი ფიქრობდა, რომ ფერგიუსონმა „ოქროს შემადგენლობა“ დატოვა, რომელსაც განახლება არ სჭირდება. მეორე ნაწილი კი ფიქრობდა, რომ „მანჩესტერის“ შემადგენლობა საჩემპიონო რბოლისთვის სუსტი იყო და მოიესს ძალიან გაუჭრდებოდა. პრესაში ძალიან ბევრი სახელი ტრიალებდა:ფაბრეგასი, გარეტ ბეილი, კრიშტიანუ რონალდუ, მაგრამ ნაკლებად თუ ვინმეს სჯეროდა, რომ რომელიმე მათგანი „მანჩესტერში“ წამოვიდოდა. მაგრამ გულშემატკივართა უმრავლესობა მაინც ელოდა, რომ პორტუგალიელი ვარსკვლავი გუნდს დაუბრუნდებოდა, ამ ფაქტს კი ის ამწვავებდა, რომ ანტონიო ვალენსიამ 7 ნომერი თავის ძველ 25 ნომერზე გადაცვალა. თუმცა, გულშემატკივართა სამწუხაროდ ეს ტრანსფერი არ მოხდა.

აქცენტი ესპანელ ნახევარმცველზე ფრანცესკ ფაბრეგასზე იყო გაკეთებული. გუნდმა 4 შეთავაზება გაუკეთა „ბარსელონას“, მაგრამ ოთხივე უარყოფილი იქნა კატალონიელების მიერ. იყო საუბარი, რომ მისი თანამემამულე რობინ ვან პერსიც ცდილობდა მის გადმობირებას „მანჩესტერში“, მაგრამ ამაოდ. შემდეგ, გუნდი „ევერტონის“ ნახევარმცველზე, ფელაინზე შეჩერდა. გულშემატკივართა უმრავლესობა დღესაც ვერ ხვდება რა მიღწევების გამო აღმოჩნდა ბელგიელი „იუნაიტედის“ რიგებში. ამის მიუხედავად, ჩატარებული იქნა პატარა ანალიზი: მარუან ფელაინი:31 მატჩი, 11 გოლი, 6 საგოლე გადაცემა, 91 % ზუსტი გადაცემები. იაია ტურე:32 მატჩი, 6 გოლი, 6 საგოლე გადაცემა, 89 % ზუსტი გადაცემები. ჯერ უილშერი:25 მატჩი, 0 გოლი, 6 საგოლე გადაცემა, 86% ზუსტი გადაცემები. დამეთანხმეთ, სტატისტიკა მართლაც რომ აღსანიშნიშნავია. ამას დავუმატოთ ის ფაქტიც, რომ ფელაინი საშუალო დონის გუნდში „ევერტონში“ თამაშობდა, ხოლოდ იაია ტურე და ჯეკ უილშერი პრემიერლიგის ერთ-ერთ ფავორიტებში.



სეზონი გუნდებისთვის საკმაოდ საინტერესოდ დაიწყო. გასვლაზე დამარცხდა „სუონსი“ 1-4; შემდეგ ფრე ლონდონის „ჩელსთან“ საკუთარ მოედანზე. სიმართლე რომ ვთქვათ, არც ისე ცუდი დასაწყისი იყო. შემდეგ მოიესი „ენფილდზე“ ჩავიდა, სადაც დამარცხდა „ლივერპულთან“ მინიმალური ანგარიშით 1:0. აქ კი დაიწყო კრიტიკის ცვენა, მაგრამ ყველას მოულოდნელად დაავიწყდა, რომ ამ მოედანზე თვით ფერგიუსონსაც კი უჭირდა თამაში. გავიდა დრო და შოტლანდიელმა თავისი პირველი შეხვედრა ჩაატარა ჩემპიონთა ლიგაზე „იუნაიტედის“ მწვრთნელის რანგში. მოწინააღმდეგე „ბაიერი“ აღმოჩნდა, რომელიც არაჩვეულებრივად გამოიყურებოდა. ყველა გაიძახდა, რომ მოიესი მაქსიმუმ ფრეს თუ ითამაშებდა, მაგრამ მანჩესტერმა 4:2 მოიგო რითაც ცოტახნით დაადუმა კრიტიკოსები. „უესტ ბრომვიჩთან“ მარცხის შემდეგ, მოიესმა 12 მატჩიანი წაუგებელი სერია დადო, მაგრამ ბოლო ორი შეხვედრა კი მისთვის კატასტროფული აღმოჩნდა. პირველად, 2002 წლის მერე გუნდმა ორჯერ ზედიზედ განიცადა მარცხი საკუთარ მოედანზე.



აი აქ კი დაიწყო ჯოჯოხეთი მოიესისთვის. ყველაზე საშინელი, ალბათ, ის შეიძება იყოს, რომ გულშემატკივრებმა 70-ე წუთზე მოედნის დატოვება დაიწყეს. ასეთი რამ დიდიხანია არ მომხდარა ოლდ ტრაფორდზე. უეჭველად, ეს დიდი სირცხვილია. ამ სიტუაციაში კი, გულშემატკივრები უფრო შერცხვნენ ვიდრე მოიესი. ინტერნეტშ გავრცელდა „მესიჯი“ „მოეს-წადი“. იქამდეც მივიდა საქმე, რომ ჰაკერებმა გუნდის „ოფიციალუური“ თვითერი გატეხეს.



მაგრამ, ნაკლებად თუ ვინმე ხვდება, რომ შემადგენლობა არ შეეფერება იმ ამბიციებს, რომლებიც გულშემატკივრებიდან მოდის. როდესაც უყურებ „მანჩესტერ სიტის“ ან „ჩელსის“ სათადარიგო სკამს და ადარებ „იუნაიტედთან“ ხვდები, რომ ისინი საერთოდ განსხვავებული ფეხბურთელები არიან. ყავს თუ არა „იუნაიტედს“ ისეთი სათადარიგო, როგორიც მატა ან იოვეტიჩია? სათადარიგო კიარა ძირითადშიც კი თითებზე ჩამოსათვლელი არიან ასეთები, მაგრამ ეს გულშემატკივრებს არ ანაღვლებთ. ისინი გადადგომას ითხოვენ.

პირველი 15 ტურიდან გამომდინარე, „არსენალი“ 13 ქულით უსწრებს „იუნაიტედს“. ჩემპიონთა ლიგის ზონამდე კი გუნდს 7 ქულა აკლია. გულშემატკივრები უნდა მიხვდნენ, რომ მიმდინარე სეზონი არარის-ბრძოლა ჩემპიონთა ლიგისათვის. მიმდინარე სეზონი მოიესის წამოწყებული პროცესია, რომელიც მას ჯერ კიდევ ზაფხულში არ დაუსრულებია. კიდევაც რო გადავაყენოთ მოიესი, ვერც გვარდიოლა, ვერც კლოპი და ვერც მოურინიო ვერ შეძლებს ამ შემადგენლობით ჩემპიონატის მოგებას. ეს ფერგიუსონის ფეხბურთელებია, რომელსაც შეეძლო მაქსიმუმი გამოეღო მათგან. ამის გარდა, არც ერთი ზემოთ ხსენებული მწვრთნელი არ იქნება დაინტერესებული გუნდში ხანგრძლივად დარჩეს მოიესის გარდა. ხელმძღვანელობას, რომ ნდომოდა მომენტალური რეზულტატი, მაშინ გუნდში მოურინიოს დონის მწვრთნელი მოვიდოდა, მაგრამ მოიესი პრესპეკტივის გამო აიღვანეს. მას დრო სჭირდება. იგი უნდა შეეჩვიოს ზეწოლას პრესისაგან, რომელიც ფერგიუსონის დროს არ იყო, რადგან მისი ყველას ეშინოდა. სხვათაშორის, არც ჟოზე მაურინიო თამაშობს წარმატებულად გუნდში. მასაც აქვს ჩავარდნები, თუმცა სხვაობა ჩელსსა და იუნაიტედს შორის 8 ქულაა. მაგრამ არ დავივიწყოთ ზემოთხსენებული პრობლემები:განსხვავება შემადგენლობებში. პორტუგალიელმა სპეციალისტმა განაცხადა, რომ „იუნაიტედის“ გარდა ნებისმიერი გუნდის ჩამოწერა შეიძლება საჩემპიონო რბოლიდან. „იუნაიტედი“ უკეთეს შემთხვევაში „ტიტულისთვის“ იბრძოლებს, ცუდ შემთხვევაში კი ოთხეულში შესვლისთვის.

გადამწყვეტი ზამტრის ტრანსფერები იქნება. გუნდში უამრავი პრობლემაა:ვერავინ ვერ ცვლის ქერიქს, ქლევერლი იშვიათად თამაშობს მაღალი დონის ფეხბურთს, ანდერსონი უკომენტაროდ, დენი უელბექს კი ფანტაზია აკლია, დაცვაში გვიბერდება ვიდიჩი და ფერდინანდი და იანგი, ნანი, და ზაჰა-რომელთა იმედი ნაკლებია.



ვენგერისდაგვარი ფილოსოფოსი, თუ სპეციალისტი, რომელიც მომენტალურად დადებს შედეგს, რომელსაც უამრავი თანხა დასჭირდება ტრანსფერებისთვის.


„იუნაიტედის“ გულშემატკივრებს ვურჩევდი, რომ ნერვები მოეთოკათ. ვიცი რთულია. ვიცი, ალბათ „ლივერპულის“ გზაც შეიძლება გავიაროთ, მაგრამ საბოლოოდ სწორედ, რომ მოიესი მოგვიტანს წარმატებას. ფერგიუსონმა გვთხოვა, რომ ახალი მწვრთნელის გვერდით ვყოფილიყავით, როგორც მის დროს. გვიახლოვდება ყველაზე საინტერესო პერიოდი ინგლისის პრემიერლიგის ისტორიაში. როგორია „მანჩესტერ იუნაიტედის“ და „არსენალის“ მომავალი კი დრო გვიჩვენებს.