შაბათს გასამართ მატჩს, სადაც "იუნაიტედი" ოლდ ტრაფორდზე "კაჭკაჭებს" უმასპინძლებს, მასპინძელი გუნდი დიდი დანაკლისით შეხვდება. "წითლების" თავკაცმა, დევიდ მოიესმა განაცხადა, რომ იგი არ არის დარწმუნებული შეძლებს თუ არა შინჯი კაგავა მოედანზე გამოსვლას. იაპონელი ფლეიმექერი იმ ფეხბურთელის სიას შეემატა, რომელთაც ვერ ვიხილავთ "ნიუკასლთან" მატჩში. შეგახსენებთ რომ ამ სიაში იმყოფებიან ისეთი ფეხბურთელები, რომელთაც თამაშის საკუთარ თავზე აღება და მატჩის მოტრიალება სძალუძთ. რუნი, ვან პერსი და ქერიქი, სწორედ ეს ფეხბურთელები დააკლდებათ "წითელ ეშმაკუნებს" შაბათს გასამართ მატჩში. კაგავას მსგავსად, ვან პერსისაც და ქერიქსაც ტრავმა აწუხებთ და დევიდ მოიესი ფიქრობს რომ გარისკვა არაფრის ფასად არ ღირს. უეინ რუნიმ კი, "ევერტონთან" მატჩში რიგით მეხუთე ყვითელი ბარათი მიიღო და დისკვალიფიკაციის გამო ვერ დაეხმარება გუნდს.
დევიდ მოიესმა ორიოდე სიტყვით კომენტარი გააკეთა არსებულ სიტუაციაზე და ახსნა თუ რატომ ვერ დაეხმარება იაპონელი გუნდს. "შინჯის ტრავმა აწუხებს და ცუდ კონდიციებში იმყოფება. ჩვენ დავაკვირდებით მას თუ როგორ იქნება შაბათამდე, მაგრამ "ევერტონთან" მატჩის შემდეგ იგი თავს ცუდად გრძნობდა."
მთავარმა მწვრთნელმა ასევე ისაუბრა ცხრილში არსებულ მდგომარაებაზე და იმედოვნებს რომ მისი გუნდი მალე დაიბრუნდება მოგებების სერიას. "ეს იყო პირველი დამარცხება 13 წაუგებელი მატჩის შემდეგ. ვფიქრობ, წაუგებელი მატჩების გამართვა ჩვენ კვლავ შეგვიძლია და იმედი მაქვს ეს მალე განმეორდება. თუ თქვენ თვალს ადევნებდით "ტკბილეულების" წინააღმდეგ გამართულ მატჩს, მაშინ თქვენ არ უნდა შეგეპაროთ იმაში ეჭვი, რომ "იუნაიტედი" კვლავ წაუგებლად იასპარეზებს. ჩვენ მთელი მატჩის განმვალობაში უამრავი მომენტი გვქონდა, რომელიც ჩვენდა სამწუხაროდ ვერ გამოვიყენეთ. ვფიქრობ, მატჩის სხვაგვარად წარმათვა რთული არ უნდა ყოფილიყო, მაგრამ ჩემს ფეხბურთელებს ეს ყველაფერი გაუძნელდათ." შოტლანდიელი სპეციელისტმა თემა განავცრო და მომავალ მეტოქეზე, "ნიუკალს იუნაიტედზეც" გააკეთა კომენტარი. "წინა ტურში ისინიც ჩვენსავით დამარცხდნენ, მაგრამ მათ მანამდე ზედიზედ ოთხი მოგებული მატჩი ჰქონდათ, რაც ნამდვილად დასაფასებელია. ვიცი რომ ამის გაკეთება პრემიერ ლიგაში ძალიან რთულია და სწორედ ამიტომ მინდა ავღნიშნო მათი წარმატება. შაბათს ისინი "ოლდ ტრაფორდს" ესტუმრებიან და ჩვენ ყველანაირად ვეცდებით მათ საქმე გავურთულოთ და დაკარგული ქულები აუცილებლად ავინაზღაუროთ."
შეგახსენებთ რომ "იუნაიტედი" "კაჭკაჭებს" შაბათს, თბილისის დროით 16:45 წუთზე უმასპინძლებს.