მანჩესტერ იუნაიტედის ვიცე-პრეზიდენტი ედ ვუდვარდი ფიქრობს,რომ ინგლისის ჩემპიონატის სისტემა განახლებას საჭიროებს.ეს განახლებული სისტემა კი უპირველესყოვლისა დაეხმარება ახალგაზრდებს განვითარდნენ და წარმოაჩინონ თავიანთი ტალანტური ნიჭი.ვუდვარდი,რომელმაც დევიდ გილი შეცვალა ამ ზაფხულს,ირწმუნება,რომ თითოეულ გუნდს უნდა ჰყავდეს B გუნდი,რომელიც დაბალ ლიგებში მიიღებს მონაწილეობას,ხოლო ამ გუნდში 21 წლამდე ფეხბურთელებს შეეძლებათ თამაში.

მოგეხსენაბათ ასეთივე სისტემა აქვს ესპანეთში.მაგალითად ბარსელონასა და მადრიდის რეალის B გუნდები რიგით მეორე ლიგაში მონაწილეობენ და ძალიან ნაყოფიერადაც.

„ასეთი მოდელი დაეხმარება ახალგაზრდებს თავიანთი ნიჭის გამოვლენაში“-განაცხადა მან

„ბარსელონასა და რეალს სწორედ ასეთივე სისტემა აქვს,ასევე ამსტერდამის აიაქსაც,რომლებიც თავიანთ აღზრდილებს ძალიან დიდ ყურადღებას აქცევენ“

ვუდვარდი ასევე შეეხო იუნაიტედის დღევნადელ სიტუაციას და განაცხადა,რომ იუნაიტედს ჯერ კიდევ შეუძლია მაღალი მიზნებისთვის ბრძოლა.

„შენ ყოველთვის მოგება გაგიჭირდება.თუ ჩვენ ახლა ცუდი პერიოდი გვიდგას,ეს არ ნიშნავს იმას,რომ ჩვენ ფინანსები არ გაგვაჩნია.ჩვენ გვაქვს ძალიან ძლიერი ფინანსები,რომ შევცვალოთ გუნდი.შეგვიძლია რამდენიმე ფეხბურთელი ერთად ვიყიდოთ თუ რა თქმა უნდა გუნდს დასჭირდა“-დაასრულა ვუდვარდმა

წყარო:skysports.com