ნიკ პოუელი – კიდევ ერთხელ მოექცა ყურადღების ცენტრში, "იუნაიტედის" ახალგაზრდა ტალანტმა "უიგანის" შემადგენლობაში კიდევ ერთი გოლი გაიტანა, ამჯერად ნიკმა თავი "დერბისთან" შეხვედრაში გამოიჩინა და ამ სეზონში უკვე მე–6 გოლი გაიტანა. მაგრამ პოუელის გოლის მოუხედავად "უიგანმა" მეტოქესთან ანგარიშით 3–1 წააგო.
უილ კინი – ინგლისელი ნახევარმცველი მოედანზე პირველივე წუთებიდანვე გამოჩნდა, რომლის ძმა მაიკლი მატჩს "დერბი ქაუნთის" სათადარიგო სკამიდან ადევნებდა თვალს. ეს წაგება უკანასკნელი იყო "უიგანის" მწვრთნელის ოუენ კოილისთვის, რომელიც დაკავებული თანამდებობიდან ორშაბათ დილას დაითხოვეს.
მარნიკ ვერმილი – ახალგაზრდა მოთამაშემ ჰოლანდიური "ნეკ"–ის შემადგენლობაში თავისი პირველი გოლი გაიტანა, რომელმაც "ალკმაარი" 3–2 დაამარცხა. ვერმილმა თავი მე–15 წუთზე გამოიჩინა და ამით ამ უხვგოლიან მატჩში ანგარიში გახსნა.
რაიან ტანკლიფი, ტაილერ ბლეკეტი და ჯესი ლინგარდი – ამ მოთამაშეებმა თავიანთ დროებით კლუბებში სრული მატჩი ჩაატარეს. ტანკლიფი "იპსვიჩს" დაეხმარა "ჩარლტონთან"(1:0) მინიმალური გამარჯვების მოპოვებაში. ჯესი ლინგარდის "ბირმინგემმა" უფრო დამაჯერებლად, ანგარიშით 3–1 დაამარცხა "ბარნსლი". ბლეკეტი დაეხმარა "ბლექპულს" "სეფის უენსდეისთან" გამარჯვებაში, რის შედეგადაც ტაილერის გუნდმა ჩემპიონშიპში მე–4 ადგილზე აიწია.
ფერედიკო მაკედა – "დონკასტერმა" მნიშვნელოვანი 3 ქულა მოიპოვა "ქუინზ პარკ რეინჯერსთან" შეხვედრაში. ფედერიკო მაკედამ მოედანზე 90 წუთი გაატარა, ხოლო მისმა გუნდმა მეტოქე ანგარიშით 2–1 დაამარცხა.
ბებე, დავიდე პეტრუჩი და ანხელო ენრიკესი – პორტუგალიის ჩემპიონატში ბებემ 13 წუთი ითამაშა "პასუშ დე პერეირას" გასვლით შეხვედრაში ლისაბონის "სპორტინგის" წინააღმდეგ. ლისაბონელებმა მეტოქე ანგარიშით 4–0 გაანადგურეს. დავიდე პეტრუჩი "ანტვერპენის" ასევე სათადარიგო სკამიდან ჩაერთო შეხვედრაში "ენდრახ ალსტის" წინააღმდეგ შეხვედრაში, მაგრამ "იუნაიტედის" ახალგაზრდა მოთამაშის ამჟამინდელმა გუნდმა მატჩი 1–0 წააგო. ანხელო ენრიკესმა "სარაგოსას" შემადგენლობაში 90 წუთი ითამაშა, მაგრამ ვერ იხსნა თავისი გუნდი წაგებისგან, "სარაგოსამ" "ლას–პალმასთან" შეხვედრა ანგარიშით 1–0 წააგო.
ბენ ეიმოსი – ახალგაზრდა მეკარემ მიიღო მონაწილეობა "კარლაილ იუნაიტედის" ბოლო ორ შეხვედრაში. პირველი გამარჯვების შემდეგ "ქრიუ ალექსანდრიის" წინააღმდეგ, "კარლაილ იუნაიტედმა" "სუონდონთან" საშინაო კედლებში გამართული მატჩი ანგარიშით 1–3 წააგო.
სიახლის წყარო:
Manreds.com