მოგესალმებით ბრაიან, რას ფიქრობთ მიმდინარე სეზონზე? ჩემპიონთა ლიგისთვის ვიბრძოლებთ თუ პრემიერლიგისთვის?

- არ შეიძლება მათი განსხვავება, თქვენ უნდა იბრძოლოთ ორივე ტიტულისათვის. უფლება არ გაქვთ დაიწყოთ სეზონი იმაზე ფიქრით, რომ უნდა მოიგოთ მხოლოდ ევროპა ან პრემიერლიგა. თუმცა მთავარ ტურნირად შიგა ჩემპიონატი რჩება. ევროპაში ბევრი კარგი გუნდია, მაგალითად მადრიდის რეალი ან კიდევ ბარსელონა, ამიტომ შენ ვერ შეძლებ ვერანაირი პროგნოზის გაკეთებას ამ ტურნირში.

დე ხეა თუ ლინდეგაარდი?

- ვფიქრობ, რომ დე ხეა უკეთესია ბევრ ასპეკტში. იგი უკეთ იგერიებს ბურთს, ახალგაზრდაა და შეუძლია პროგრესირება, ამიტომ იგი უნდა იყოს გუნდის პირველი მეკარე.

1974 წლის 27 აპრილს თქვენ მოედანზე იყავით, როდესაც დენის ლოუმ მეორე დივიზიონში გააგდო მანჩესტერ იუნაიტედი, როგორი გრძნობა დაგეუფლათ იმ მომენტში?

- საშინელი გრძნობა იყო, იმიტომ არა რომ გოლი დენისმა გაიტანა. სიმართლე გითხრათ, ყველაფერი ჩვენზე დამოკიდებული არ იყო. პარალელურ მატჩში ბლექბერნი 1-0 იგებდა, ასე რომ ჩვენ ნებისმიერ შემთხვევაში გვიწევდა მეორე დივიზიონში გავარდნა. ეს გუნდის ერთ-ერთი საშინელი მომენტია.

როგორ შეიცვალა ატმოსფერო ოლდ ტრაფორდზე 40 წლის შემდეგ?

- ჩვენ არაჩვეულებრივი მხარდაჭერა გვქონდა გულშემატკივრებისაგან, იმ დროსთან შედარებით, დღეს სიწყნარეა ტრიბუნებზე. ეხლა მოედანი უფრო მეტ გულშემატკივრებს იტევს, მაგრამ მათი მხარდაჭერა მაინც ვერ შეედრება იმას, რაც ჩვენ დროს იყო. რაც შეეხება გულშემატკივრებს გასვლით შეხვედრებზე, ისინი არაჩვეულებრივები არიან, ყოველთვის ფეხზე დგანან და შეუწყვეტლად გულშემატკივრობენ საკუთარ გუნდს.



რას ფიქრობთ გლეიზერებზე?

- დღეს გუნდში არც თუ ისე კარგი პერიოდია, მაგრამ თუ ფერგისონს რამე დასჭირდა იგი მას მიიღებს. რა თქმა უნდა, გუნდს არც თუ ისე კარგი მფლობელები ყავს, მაგრამ უკვე სტაბილურობა იგრძნობა.

რამდენად ხშირად დადიხართ ოლდ ტრაფორდზე?

- მე რამოდენიმეჯერ ვიყავი სტადიონზე გასულ სეზონს. მე როჩდეილში ვცხოვრობ და ყოველ თამაშზე მისვლას ვერ ვახერხებ. ამის მიუხედავად, მე თავისუფლად შემიძლია ვთქვა, რომ ხშირად დავდივარ გუნდის თამაშებზე და წელსაც შევეცდები ამის გაკეთებას.

თქვენი აზრით, რით განსხვავდებიან ან რით გვანან სერ ალექს ფერგიუსონი და სერ მატ ბასბიერთმანეთს?

- ზუსტად ვერ გეტყვით, იმიტომ რომ მე არც ერთთან არ მქონია საშუალება მეთამაშა. სერ მატ ბასბის დროს მე ჭაბუკთა გუნდში ვთამაშობდი, მაგრამ როდესაც პირველ გუნდში გადავედი მან სამწვრთნელო პოსტი დატოვა. ჩემი აზრით, მათი საერთო თვისება ის არის, რომ ორივეს უყვარდა და უყვარს ადგილობრივი ფეხბურთელების შეძენა და მათი აღზრდა. ორივე ცდილობდნენ გამოეყენებიათ შიგა რესურსები. რა თქმა უნდა, თუ ახალგაზრდა ფეხბურთელი არ შეესაბამება გუნდის დონეს, იგი მიდის და მწვრთნელი სხვა ნიჭიერ ფეხბურთელს ეძებს.

თქვენი აზრით, ვინ შეცვლის ფერგიუსონს?

- ჟოზე მაურინიო. ვფიქრობ, რომ იგი იდეალურად მოუხდება გუნდს, იგი გამოცდილია და იცის თუ როგორ უნდა მოებყროს ფეხბურთელს. ჟოზე დაეხმარება გუნდს შეუნარჩუნოს ადგილი სატურნირო ცხრილის სათავეში. მეორე კანდიდატი-გვარდიოლა, იგი ახალგაზრდაა და ძალიან ბევრს მიაღწია ბარსელონასთან, მაგრამ მე ჩემს არჩევანს მაინც ჟოზეზე ვტოვებ.

რას ფიქრობთ სულშერის კანდიდატურაზე?

- იგი ჯერ ახალგაზრდაა და გამოუცდელი, მას ყველაფერი წინ აქვს. ოლემ უკვე მიაღწია თავის წარმატებას მიოლდესთან და აგრძელებს პროგრესირებას. სამწუხაროდ გუნდმა ვერ შეძლო ჩემპიონთა ლიგაზე გასვლა, რაც ძალიან საწყენია. მას უფრო მეტი დრო სჭირდება.


რას გრძნობდით, როდესაც თამაშობდით ერთ გუნდში საკუთარ ძმასთან ერთად და კონკრეტულად მაშინ, როდესაც მან გადამწყვეტი გოლი გაუტანა ლივერპულს ინგლისის თასის ფინალში?



- მე ვამაყობდი მით, მთელი ოჯახი ამაყობდა, განსაკუთრებულად დედა. იგი არაჩვეულებრივი ფეხბურთელი იყო და ის, რომ მან გოლი გაიტანა გადამწყვეტ მომენტში ძალზედ გაახარა ჩვენი ოჯახი.

რთული იყო იუნაიტედის პირველ გუნდში მოხვედრა?

- მე მოვხვდი გუნდში სკოლის დამთავრების შემდეგ. მაგრამ გზა პირველ გუნდამდე საკმაოდ გრძელი აღმოჩნდა, იმის გამო რომ მე პრობლემები მქონდა ჯამრთელობასთან. გამიკეთეს არა ერთი ოპერაცია, მაგრამ საბედნიეროდ მე მაინც მოვხვდი პირველ გუნდში.

დაასახელეთ თქვენი ოცნების შემადგენლობა?

- უხ, რთული კითხვაა.
შმეიხელი-ირვინი-რიო-სტამი-ალბისტონი-რონალდო-ბესტი-რობსონი-კინი-კანტონა-ლოუ
მაგრამ ამის გარდა კიდევ რამოდენიმე გუნდის შეკრება შეიძლება.

გმადლობთ ინტერვიუსთვის, სასიამოვნო იყო თქვენთან საუბარი.

- გმადლობთ