ინგლისის ეროვნული ნაკრების თავკაცი, როი ჰოჯსონი ამბობს, რომ ის მოუთმენლად ელის მსოფლიო ჩემპიონატზე რუნის ასპარეზობის ხილვას. რუნიმ შესანიშნავი სეზონს ატარებს და ეს "ტოტენჰემთან" მატჩშიც დაამტკიცა დუბლის შესრულებით. მოგეხსენებათ, რომ ამ მატჩს ტრიბუნებიდან თვალს ადევნებდა თავად როი ჰოჯსონი.

ინგლისის ნაკრების ბოსი რუნის თამაშით მოხიბლულია და იმედოვნებს რომ 28 წლის ფორვარდი თავის კონდიციებს შეინარჩუნებს და ზაფხულის მუნდიალზე ანალოგიურ ფორმაში იქნება. ჰოჯსონი SkySport-თან ინტერვიუში აცხადებს: "ის შესანიშნავი ფეხბურთელია. ნეტავ შემეძლოს დროის მომავალში გადახვევა, იმის შეგროვება, რასაც რუნი მოედანზე აკეთებს და ამ ყველაფრის ერთად გამოყენება მსოფლიო ჩემპიონატზე. იმედი მაქვს, რომ რუნი ასეთ დონეზე ასპარეზს განაგრძობს მთელი სეზონის განმავლობაში და თუ ეს ასე მოხდა, მაშინ მუნდიალზე მისი სახით ინგლისს დიდი უპირატესობა ექნება."

როი ჰოჯსონმა ასევე ისაუბრა ჯო ჰარტზე, რომელმაც უპატიო შეცდომების გამო დაკარგა "მანჩესტერ სიტის" ძირითადი შემადგნლობის ადგილი და მის ნაცვლად ბოლო ხანებში ქალაქელების კარს კოსტელ პანტილიმონი იცავს.

"მე ძალიან იმედგაცრუებული ვარ. ვიცი რომ ჯო ჰარტს ნამდვილად სურს ძირითად შემაგნელობაში დაბრუნება. მე მისი მჯერა, მაგრამ მსოფლიო ჩემპიონატამდე ჯერ კიდევ დიდი დროა და მოცდა არ იქნება ურიგო, მანამ სანამ ბრაზილიაში წასაყვანი ფეხბურთელების დასახელების დრო მოახლოვდება. ჰარტის მიმართ ნდობა გამაჩნია და ვიცი რომ მას შესწევს ძალა დაიბრუნოს "მანჩესტერ სიტის" ღირსეული მეკარის სტატუსი."

ინგლისემა სპეციალისტმა ასევე ორიოდე კომენტარი გააკეთა ჯონ ტერის შესახებ, რომელმაც უკვე დაასრულა სანაკრებო კარიერა და განაცხადა რომ იგი მის ხელახლა გამოძახებს არ გეგმავს.

"ამ მომენტისთვის, ეს ის თემა არ არის, რაზეც მე შემიძლიათ გესაუბროთ" - აცხადებს ჰოჯსონი. "როდესაც მან გადაწყვიტა კარიერის დასრულება მე მის გადაწყვეტილებას პატივი ვეცი. მჯერა, რომ ჯონის ამ გადაწყვეტილების მისაღებად ბევრი ფიქრი დასჭირდა და ვფიქრობ რომ ნაკრებში მის ხელახლა გამოძახებას შედეგი არ მოჰყვება. ამ მომენტისთვის ჯონი ჩემთვის არ არსებობს, რადგნა მან უკვე დაასრულა სანაკრებო კარიერა."

წყარო: SkySPORTS