კრიშტიანუ რონალდუმ თავისი ადგილი დაიკავა მსოფლიო ჩემპიონატზე, ამასთანავე რამდენიმე კვირის წინ მსოფლიოს საუკეთესო ფეხბურთელების კანდიდატებში დასახელდა, ასევე მოაწერა ხელი "რეალ მადრიდის" ახალ კონტრაქტს და საუბრობს იქ დარჩენაზე მისი კარიერის ბოლომდე.

პორტუგალიელის სენსაცირუი ფორმის, მაღალი დონის თამაშისა და კიდევ მრავალი სხვა ფაქტორის გათვალისწინებით, მემგონი იმაზე ფიქრიც კი ზედმეტია, რომ რონალდუ დატოვებს "რეალ მადრიდს", რომელიც სახლად იქცა მისთვის ბოლო ოთხი წლის მანძილზე.

მაგრამ მაინც ჭორები ვრცელდება რომ 28 წლის ვარსკვლავი დაუბრუნდება მის ყოფილ კლუბს "მანჩესტერ იუნაიტედს" და ეს ჭორები არ წყდება იმის გათვალისწინებითაც კი თუ რას იტყვის რონალდუ, ან მისი მენეჯერი.

და ალბათ დაუჯერებელიც არის, რომ "რეალ მადრიდი" უფლებას მისცემს მის ერთ-ერთ ყველაზე საჭირო ფეხბურთელს დატოვოს კლუბი.

"ნებისმიერს რომ კითხოთ "მანჩესტერ იუნაიტედში" ის არის საუკეთესო თავის საქმეში, მაგრამ მე იმდენად იღბლიანი არ ვიყავი, რომ მქონოდა შესაძლებლობა მემუშავა მასთან ერთად, მაგრამ მაინც არსებობს იმედი, რომ ეს ოდესღაც მოხდება."-აცხადებს "იუნაიტედის" მთავარი მწრთვნელი დავიდ მოიესი MUTV-თან საუბრისას.

ჩვეულებრივ, ფინანსები-ეს მთავარი, დომინანტური ფაქტორია ფეხბურთის სამყაროში და გადაწყვეტილებების მიღებაში, თუ თანხა დამაკმაყოფილებელია ორივე მხარისათვის, მაშინ არ არსებობს არანაირი სვლა, რომლის გაკეთებაც არ შეიძლება.მაგრამ ამ შემთხვევაში საოცარი თანხა იქნება საჭირო.

როგორც მოგეხსენებათ, რონალდუ შეიძინა "რეალ მადრიდმა " 90 მილიონად, და თუ იქნება რონალდუს უკან დაბრუნებაზე ლაპარაკი თანხები იტრიალებს 150 მილიონი ევროს გარშემო.

ერთი წლის უკან, რონალდუ და მისი მენეჯერი შეხვდნენ "იუნაიტედის" წარმომადგენლებს ლონდონში, თუმცა მოლაპარაკებები ვერ განხორციელდა, მაგრამ გასულ ზაფხულს რონალდუს დაბრუნება რეალობასთან ახლოს იყო, მაგრამ ახლა, როცა უკვე "მანჩესტერის" დიდმა ლეგენდამ სერ ალექს ფერგიუსონმა გუნდი დატოვა, უფრო და უფრო რთული ხდება მისი სახლში დაბრუნება.

eurosport.com