"დეილი მეილის" ცნობით "იუნაიტედი" აპირებს შეიძინოს "სევილია" მარცხენა მცველი, ახალგაზრდა ალბერტო მორენო. 32 წლის ასაკში მყოფი ევრას მალე შემცვლელი დასჭირდება, ამიტომ "იუნაიტედი" ახალგაზრდა მცველს ეძებს. გარდა ამისა არის საუბრები, რომ ევრამ შესაძლოა საერთოდ დატოვოს კლუბი. ალბერტო მორენოს საბაზრო ღირებულება, მისი ასაკიდან გამომდინარე 25 მილიონი ევროა, თუმცა"სევილია" მზად არის ამ ზამთარშივე გაყიდოს ფეხბურთელი 20 მილიონ ევროდ. თუმცა საქმე არც ისე მარტივადაა, "იუნაიტედის" მარცხენა მცველის ყიდვაში "ჩელსიც" შეეცილება. ლონდონურ კლუბს ეშლი კოულის შემცვლელი ესაჭიროება და მორენო სწორედ, რომ კარგი ვარიანტია. ყველაფერი მალე გადაწყდება, სპეციალისტების აზრით "იუნაიტედს" მეტი შანსი აქვს იყიდოს ესპანელი ახალგაზრდა ტალანტი.