"იუნაიტედის" 11 ნომერი, რაიან გიგზი პარასკევს 29 ნოემბერს 40 წლის შესრულებას აღნიშნავს და მისი კონტრაქტი ზაფხულში იწურება.
უელსელის თამაში ჩემპიონთა ლიგაზე "ლევერკუზენის" წინააღმდეგ გვაძლევს საფუძველს იმისა, რომ ვივარაუდოთ, გიგზს კიდევ შესწევს ძალა ჩაატაროს კიდევ 1 სეზონი კლუბში, თუმცა თავად მოიესი არ ჩქარობს კონტრაქტის გახანგრძლივებას.
"როდესაც აღწევ ასეთ ასაკს და თამაშობ მაღალ დონეზე, აუცილებელია დაკვირვება სეზონის ბოლომდე, შემდეგ კი ფიქრი კონტრაქტზე. ყველაფერი იმაზეა დამოკიდებული, რას გეუბნება შენი სხეული და როგორ კონდიციებშია სეზონის ბოლოს." - განაცხადა "იუნაიტედის" მწვრთვნელმა.
თუმცა უდავოა, რომ თუ კი უელსელი გადაწყვეტს კარიერის დასრულებას ამაში ცუდი არაფერი იქნება, რადგან მან შექმნა მთელი ერა "იუანიტედში". ის იქნება ყველაზე მეტად დასამახსოვრებელი ფეხბურთელი კლუბში.
გიგზმა მთელი თავისი კარიერა ოლდ ტრაფორდს და "მანჩესტერს" მიუძღვნა, 1991 წელს შედგა მისი დებიუტი და ამ დროის განმავლობაში მან 953 მატჩის ჩატარება მოახერხა.
"ვერავინ იტყვის, რომ ის არ არის უმაღლესი დონის, რადგან მას აქვს უდიდესი გამოცდილება და მთელი მისი საფეხბურთო ისტორია "იუნაიტედს" უკავშირდება. მას უზარმაზარი რაოდენობის მატჩები აქვს ჩატარებული, როგორც პრემიერ ლიგაში, ისე ევროპულ ჩემპიონატებში." - განაცხადა მოიესმა.
მოიესის თქმით ყველა სეზონში გიგზი უფრო და უფრო აოცებს გულშემატკივრებს, მისთვის გასაოცარია ის ფაქტიც, რომ ამ ასაკში უელსელი გამოიყურება ისე როგორც ახალგაზრდა. ის დიდებული მაგალითია ახალგაზრდებისთვის.
"გარდა ამისა მისი მაგალითი ეხება 30 წელს გადაცილებულ ფეხბურთელებსაც, რომელბმაც სწორედ ამ ფეხბურთელისგან უნდა აიღონ მაგალითი და ივარჯიშონ ისე, როგორც რაიანი აკეთებს ამას." - დაასრულა დევიდ მოიესმა.
წყარო:
"სქაისპორტი"