სამი ფეხბურთელი იბრძოლებს "მანჩესტერ იუნაიტედის" ნოემბრის თვის საუკეთესო ფეხბურთელის წოდებისთვის და მხოლოდ თქვენ შეგიძლიათ გადაწყვიტოთ ვინ იქნება ეს.
პირველი კანდიდატი არის უეინ რუნი, რომელიც მთავარი ფიგურაა გუნდში. "მანჩესტერ იუნაიტედის" მიერ ნოემბერში გატანილი 11 გოლიდან 2 რუნის ანგარიშზეა, მან თავი გამოიჩინდა "ფულემთან" და "კარდიფთან". ასევე ამ თვეში მან განახორციელა 7 ასისტი: ვალენსიას "ფულემის" წინააღმდეგ, პერსის "არსენალის" წინააღმდეგ და ევრას "კარდიფის" წინააღმდეგ. ასევე მან "ლევერკუზენთან" გატანილი ხუთი გოლიდან ოთხ შემთხვევაში მოახერხა საგოლე გადაცემის გაკეთება. "ის დაბადებულია გამარჯვებულად და ეს მთელ გუნდზე მოქმედებს." განაცხდა სმოლინგმა.
ანტონიო ვალენსიას დიდი ბრძოლა მოუწევს უეინ რუნისთან ამ ტიტულის მოსაგებად, გასული სეზონის ჩაგდების შემდეგ ის საოცარ ფორმაში იმყოფება. ნოემბრის თვეში მან გაუტანა "ფულემს" და "კარდიფს". "იუნაიტედის" ყოფილი ფეხბურთელი მიკი ტომასი თვლის, რომ ვალენსიას თამაში ხშირად შეუმჩნეველი ხდება. "მე აღფრთოვანებული ვარ ვალენსიათი" განაცხადა მან. "მას დიდი წვლილი შეაქვს გუნდის წარმატებაში, თუმცა ხშირად ხალხი ამას ვერ ამჩნევს. მან დაიბრუნა თავდაჯერებულობა და ძალიან ეხმარება პერსის და რუნის."
მესამე კანდიდატი კი პატრის ევრაა, მან შესანიშნავად ითამაშა "რეალ სოსიედადის" წინააღმდეგ, ასევე გოლი გაუტანა "კარდიფს". ის დაეხმარა გუნდს სამჯერ შეენარჩუნებინა კარი მშრალად. "ის ერთ-ერთი საუკეთესო ფეხბურთელია წელს." განაცხადა ირვინმა. "არ გამკვირვებია, რომ ის თვის საუკეთესო ფეხბურთელთა კანდიდატებს შორისაა. ის ძალიან სტაბილურია და მოახერხა გოლის გატანაც. მან ყველაფერი იცის "იუნაიტედის" შესახებ. ის ნამდვილი ლიდერია გასახდელში."