29-11-2013, 00:09

ავტორი: Vodafone,

ნანახია: 2010,

კომენტარები: 4

"იუნაიტედი" ახალგაზრდა მცველს აკვირდება

"იუნაიტედი" აპირებს წინააღმდეგობა გაუწიოს "ინტერს", ბრაზილიელი მცველის გადმობირებაში.

"მანჩესტერ იუნაიტედი" აპირებს წინააღმდეგობა გაუწიოს "მილანის ინტერს", "პორტოს" ბრაზილიელი მცველის, ალექს სანდროს გადმობირებაში.

პორტუგალიური გაზეთი "Record" იტყობინება, რომ იტალიელებმა უკვე გააკეთეს შეთავაზება ახალგაზრდა მცველისთვის, თუმცა ის უარყოფილი იქნა მას შემდეგ, რაც პორტუგალიურმა კლუბმა "იუნაიტედის" ინტერესის შესახებ გაიგო.

დევიდ მოიესს 22 წლის მცველი მიაჩნია ფრანგი პატრის ევრას შემცვლელად, რომელსაც სეზონის ბოლოს კონტრაქტი ეწურება და დიდი ალბათობით კლუბს დატოვებს.

სანდრომ, რომელმაც კარიერა ბრაზილიურ კლუბში "ატლეტიკო პარანენსში" დაიწყო, უკვე მოახერხა 6 მატჩის ჩატარება ნაკრებში, ასევე მან მონაწილეობა მიიღო ლონლდონის ოლიმპიადაში.

მის გარდა პატრის ევრას შემცვლელად დასახელებული იყო არაერთი ფეხბურთელი, მათ შორის არიან ლეიტონ ბეინსი და ფაბიო კოენტრაო.

32 წლის ევრა ირწმუნება, რომ არ აპირებს გუნდის დატოვებას, თუმცა მას ჯერ კიდევ არ გაუხანგრძლივებია კონტრაქტი კლუბთან. მან ფრანგულ პრესასთან საუბარში განაცხადა, რომ "პირადი მიზეზების" გამო აპირებდა გუნდის დატოვებას, თუმცა ოფიციალურ საიტთან საუბარში ეს ინფორმაცია უარყო.