"უიგანის" პრეზიდენტი დეივ უილანი თვლის, რომ "მანჩესტერ იუნაიტედს" სერ ალექს ფერგიუსონის შემცვლელად რობერტო მარტინესი უნდა აეყვანა.

მარტინესმა სენსაციურად მოიგო "ინგლისის თასი" "უიგანთან" ერთად, თუმცა ვერ შეძლო გუნდის "პრემიერ ლიგაში" დატოვება, ახლა კი ის წარმატებით უძღვება "ევერტონს".

"გუდისონ პარკზე" მან შეცვალა "იუნაიტედში" წასული დევიდ მოიესი, რომელამც 11 წელი იმუშავა მერსესაიდულ გუნდში. თუმცა უილანი თვლის, რომ "იუნაიტედს" უნდა განეხილა მარტინესის კანდიდატურა.

"მე ვფიქრობ, რომ ის საუკეთესო მწვრთნელია ქვეყანაში და ძალიან გამიკვირდა, რომ "იუნაიტედი" მის გადაბირებას არ ცდილობდა, რადგან ვიცოდი რომ, სერ ალექსი წასვლას აპირებდა."

"ფერგიუსონმა მე მითხრა, რომ ის წასვლაზე ფიქრობდა და ძალიან გამიკვირდა, რომ მან არ შესთავაზა სამუშაო მარტინესს. დიახ, მათ კარგი მწვრთნელი აიყვანეს დევიდ მოიესის სახით, თუმცა დარწმუნებული ვარ, რომ რობერტო "ევერტონს" იმ სიმაღლეებზე აიყვანს, რომელზეც არც კი უოცნებიათ" - გადმოგვცემს უილანის სიტყვებს Sky Sports.

წყარო: Fapl.ru