გასული სეზონის დასრულების შემდეგ, სერ ალექს ფერგიუსონი პირველად ეწვია "მანჩესტერ იუნაიტედის" გასახდელს. Daily Mail-ს ცნობით, ეს მოხდა "ჩემპიონთა ლიგაზე", "ბაიერთან" მატჩის შემდგომ.

როგორც დიდი შოტლანდიელი დაგვპირდა, თავისი 26 წლიანი კარიერის დასრულების შემდეგ, ის არანაირად არ ჩაერეოდა დევიდ მოიესის საქმეში და გუნდის თამაშს მხოლოდ ტრიბუნებიდან დააკვირდებოდა.

თუმცა სერ ალექს ფერგიუსონმა ვერ გაუძლო ცდუნებას და "იუნაიტედის" ყოფილ აღმასრულებელ დირექტორთან, დევიდ გილთან ერთად იმყოფებოდა გუნდის გასახდელში, მას შემდეგ, რაც "წითლებმა" დამაჯერებლად დაამარცხეს "ბაიერი", ანგარიშით 0-5.

წყაროს ინფორმაციით, ფერგიუსონის ვიზიტი განპირობებული არ ყოფილა მხოლოდ "იუნაიტედის" გამარჯვებით და პლეი-ოფში მოხვედრით, მისი ვიზიტის ერთ-ერთი მიზეზი უნდა ყოფილიყო რაიან გიგზი, რომელსაც ხვალ 40 წელი უსრულდება.

წყარო: Fapl.ru