დენის ირვინის აზრით, მიმდინარე სეზონში განსაკუთრებული მნიშვნელობა ექნება რუნისა და ვან პერსის თამაშს გუნდში:"რუნი და ვან პერსი წარმოუდგენლად მნიშვნელოვანია წელს ჩვენთვის. თუ გვსურს რაიმე ღირებული ვქნათ ამ სეზონში, მაშინ ეს ორი ფეხბურთელი ისევ ასეთ ფორმაში უნდა დარჩნენ. არ არსებობს ორი აზრი, რომ უეინსა და რობინს ძალუძთ მოაგებინონ "იუნაიტედს" სხვადასხვა ჩემპიონატები."-ციტირებს ყოფილი მცველის სიტყვებს goal.com.

"უეინი ახლა შესანიშნავ ფორმაშია. მას გააქვს გოლები, აკეთებს შედეგიან გადაცემებს, იბრძვის მოედნის ნებისმიერი მონაკვეთისთვის. ეს თვისებები მას ხასიათში დაბადებიდან აქვს, ასე რომ, ბედნიერები უნდა ვიყოთ, რადგან გუნდში ასეთი ადამიანი გვყავს. ასევე უნდა გამოვარჩიოთ ადნან იანუზაი. ის შესანიშნავი იყო რეზერვების შემადგენლობაში, ასევე კარგად ითამაშა წინასასეზონო ტურნეში. არ გვქონდა არანაირი გარანტია, რომ ახალგაზრდა ვინგერი კარგად შეეწყობა ძირითად გუნდს, მაგრამ ადნანმა შეძლო ეს. მან რაღაც ახალი მოიტანა გუნდში და შეუძლია გახდეს ერთ-ერთი ლიდერი "იუნაიტედისა".