"მანჩესტერ იუნაიტედის" მთავარი მწვრთნელი დევიდ მოიესი გაბრაზებულია იმით, რომ მისმა გუნდმა ვერ გამოიყენა ბევრი მომენტი და "კარდიფთან" მატჩის ბედი უფრო ადრე ვერ გადაწყვიტა.
მინდორზე გამოშვებულ დანი ველბეკს შეეძლო ანაგრიში 1:3 გაეხადა, საკუთარი გუნდის სასარგებლოდ, მაგრამ თავდამსხმელმა ვერ გაიტანა, ხოლო დამატებით დროში "იუნაიტედი" დაისაჯა და "კარდიფმა" წონასწორობის აღდგენა შეძლო, ანგარიში 2:2 გახდა. "იუნაიტედის" მწვრთნელი კი გაცხარებულია, კლუბმა ეს გამარჯვება, რომ ხელიდან გაუშვა.
"გაბრაზებული ვარ, რომ სამი ქულის აღება ვერ შევძელით. "კარდიფი" ძალიან ცდილობდა და ჩვენზე ზეწოლაც კი მოახდინა. ჩვენ მათ უაზრო საჯარიმო დარტყმა ვაჩუქეთ, რომელმაც კლუბი გოლამდე მიიყვანა. ამ მომენტშიც ვერ შევძელით ბურთის მოგერიება. მომენტები უფრო ადრეც გვქონდა."
"დანი ველბეკს ჰქონდა შესანიშნავი მომენტი, რომ ანგარიში 1:3 გაეხადა." - განაცხადა მოიესმა Setanta-თან.