Mirror იუწყება, რომ "იუნაიტედის" ყოფილი ნახევარმცველი იტარებს სამკურნალო კურსს, რომელიც კიბოს წინააღმდეგ არის მიმართული. ამასთან დაკავშირებით კომენტარი გააკეთა ინგლისის ნაკრებისა და "სიტის" ყოფილმა ფეხბურთელმა, მაიკ სამერბიმ:"ეს ძალიან სამწუხარო ფაქტია. მაგრამ მაიმედებს ის ფაქტი, რომ ექიმებმა კიბო ადრეულ სტადიაში აღოაჩინეს. ნობი ბრწყინვალე ფეხბურთელი იყო. ის ასევე შესანიშნავი ადამინი და მეგობარია. ჩემი პირადი გამოცდილებიდან ვიცი, რომ ამ დაავადებასთან ბრძოლა შეიძლება. დარწმუნებული ვარ ნობი წარმატებით გაუმკლავდება ამ გამოცდას. მას შესანიშნავი ხასიათი აქვს."



ჯონ ჰარტსონმა, რომელმაც ასევე შეძლო კიბოს დამარცხება, განაცხადა:"არ მეპარება ეჭვი იმაში, რომ ნობი დაამარცხებს კიბოს. ფეხბურთელობის პერიოდში ის არ ასვენებდა მოწინააღმდეგეებს. ეს თვისება მას დღემდე შერჩა, შესაბამისად მშვენიერი შესაძლებლობა აქვს იმისა, რომ დაამარცხოს კიბო. ვიმედოვნებ, ნათესავები და მეგობრები მას გვერდში დაუდგებიან."



ნობი სტაილზის შვილმა, ჯონმა დაადასტურა ეს ინფორმაცია:"საბედნიეროდ, დაავადება ადრეულ სტადიაში აღმოვაჩინეთ. იმედი გვაქვს ის გამოჯანმრთელდება, ამისათვის ძალას არ დავიშურებთ."