დევიდ მოიესმა განაცხადა, რომ მაიკლ კერიკი და ფილ ჯონსი ვერ მიიღებენ მონაწილეობას კარდიფთან მატჩში, თუმცა ჯონსმა შესაძლოა მოასწროს დაბრუნება "ბაიერთან" მატჩში. ბოსმა ასევე განაცხადა, რომ დენი უელბეკს შეუძლია ოპერაციის გარეშე გამოჯანმრთელება.
"არანაირი ოპერაცი არ იქნება" - განაცხადა მოიესმა პრესკონფერენციაზე. "დენი დაუბრუნდა ვარჯიშს, თუმცა მას ისევ აწუხებს მუხლი. მან დიდი სამუშაო გასწია ტრავმის მოსარჩენად. ახლა ჩვენ ვაგრძელებთ პროფილაქტიკურ სამუშაოებს, რათა თავიდან ავიცილოთ ტრავმის გაუარესება."
მოიესმა ასევე ისაუბრა დარენ ფლეტჩერზე.
"ის მთლიანად მზად არაა. მას ცოტა მეტი დრო სჭირდება, რომლის განმავლობაში ის ითამაშებს რეზერვების გუნდში. ძალიან მოხარული ვარ, რომ დარენი ვარჯიშს დაუბრუნდა. ახლა ის ისევ ისე გამოიყურება, როგორც პროფესიონალური ფეხბურთელი."
"მე ვერ დავასახელებ მისი დაბრუნების ზუსტ დროს, ჩვენ უბრალოდ განვაგრძობთ მუშაობას. ის კარგად გამოიყურება და კარგად ვარჯიშობს. რა თქმა უნდა ექიმებს შეუძლიათ დაახლოებით დაასახელონ მისი დაბრუნების დრო, თუმცა ჯერჯერობით მათთან ამ თემაზე არ მისაუბრია."